सोलुखुम्बुका अर्जुनले दोश्रोपटक जिते मञ्जुश्री ट्रेल रेसको उपाधी, तोडे आफ्नै किर्तिमान

२ चैत, काठमाडौं । अन्तराष्ट्रिय अल्ट्रा धावक अर्जुज कुलुङले मन्जुश्री ट्रेल रेसको उपाधी दोश्रो पटक जितेका छन् । सोलुखुम्बुमा जन्मेका उनले आफ्नै पहिलो किर्तिमानलाई तोड्दै दोश्रोपटक उपाधी जितेका हुन् । अर्जुन कुलुङ राई दोस्रोपटक मञ्जुश्री ट्रेल रेसमा कोर्स रेकर्ड राख्दै पाँचौ मञ्जुश्री ट्रेल रेसको उपाधि जितेका सफल भएका हुन् ।

खेल पर्यटनलाई प्रवद्र्धन गर्ने उद्देश्यसहित भएको नेपालकै लामो ट्रेल रेस ‘मञ्जुश्री ट्रेल रेस’ को १०० माइलको रेसमा निर्धारित दूरी अर्जुनले २६ घण्टा २९ मिनेट २५ सेकेन्डमा पूरा गर्दै लगातार दोस्रो पटक कीर्तिमान सहित उपाधि जितेका हुन् । उनले सन् २०२२ मा पहिलो पटक उपाधि जित्दा ३१ घन्टा १० मिनेट ५७ सेकेण्डको रेकर्ड बनाएका थिए ।

त्यसपछि उनले गत वर्ष भएको चौथो मञ्जुश्री ट्रेल रेसमा १०० माइलको रेस अर्जुनले २६ घण्टा ५० मिनेट १५ सेकेन्डमा पूरा गर्दै आफ्नै कीर्तिमान तोडेका थिए । सोलुखुम्बुको महाकुलुङ गाउँपालिकाका अर्जुनले देशभित्र र बाहीर हुने विभिन्न खाले दौड प्रतियोगिताहरुमा सहभागीता जनाएर उपाधी चुम्दै आएका छन् ।