चैत्र ६, सोलुखुम्बु । नेचासल्यान गाउँपालिकाको प्रशासकीय भवन उद्घाटनका लागी मूल समारोह समिति निर्माण भएको छ । नेचासल्यान गाउँपालिका अध्यक्ष धनजन राईको संयोजकत्वमा ४३ सदस्यीय भवन उद्घाटन मूल समारोह समिति गठन भएको हो । आगामी चेत्र ११ गते राष्ट्रपति रामचन्द्र पौडेलको प्रमुख आतिथ्यतामा हुने गाउँपालिकाको प्रशासनिक भवन उद्घाटन कार्यक्रमलाई जिल्लाकै ऐतिहासिक कार्यक्रम बनाउनका लागी गाउँपालिका लागी परिरहेको र यसका लागी आयोजक उद्घाटन समारोह मूल आयोजक समिति निर्माण गरिएको गाउँपालिका अध्यक्ष धनजन राईले बताउनुभयो । भवन उद्घाटन मूल समारोहको समितिका सदस्यहरूमा जिल्ला समन्वय समिति प्रमुख कृष्ण निरौला सहित जिल्लाका ८ ओटै पालिकाका प्रमुख, उपप्रमुख, वडा अध्यक्ष, जिल्ला समन्वय समितिका उपप्रमुख तथा सदस्य, प्रहरी कार्यालय तथा इकाईका प्रमुख, सङ्घसंस्थाका प्रतिनिधि तथा अध्यक्ष, पत्रकार लगायत समावेश छन् । गाउँपालिकाको नेचा विहीबारेमा हुने भवन उद्घाटनको मूल कार्यक्रमलाई सफल बनाउनका लागी जिल्ला स्थित सुरक्षा निकाय एवं प्रशासनिक कार्यालयहरू सबैको साथ गाउँपालिकाले मागेको छ ।
Discussion about this post