एसइई मर्यादित बनाउन खोटाङ प्रशासनको आग्रह, डर नमानी लेख्न सुझाव 

चैत्र ६, सोलुखुम्बु । भोलिबाट हुन लनगेको माध्यमिक शिक्षा परीक्षा एसइई लाई मर्यादित र शान्तीपूर्ण रुपमा सञ्चालन गर्न जिल्ला प्रशासन कार्यालय खोटाङले अनुरोध गरेको छ । प्रमुख जिल्ला अधिकारी नरहरि घिमिरेले एक पत्र मार्फत ७ गतेबाट सञ्चालन हुन लागेको एसइई परीक्षालाई मर्यादित, व्यवस्थीत र शान्तीपूर्ण ढङ्गबाट सञ्चालन गर्न सरोकारवाला पक्षलाई अनुरोध गर्नुभएको हो ।  उहाँले परीक्षालाई मर्यादित, व्यवस्थित र शान्तीपूर्ण ढङ्गबाट सञ्चालन गर्न, विद्यार्थी, विद्यालय, प्रअ, शिक्षकका पेशागत सङ्घ तथा सङ्गठन, अभिभावक, लगायतलाई अनुरोध गर्नुभएको हो ।

प्रजिअ घिमिरेले परिक्षामा मोबाइल नाल विद्यार्थीलाई निषेध गरिएको जनाउँदै लगेको पाइएमा कडा कारवाही हुने् समेत चेतावनी दिनुभएको छ ।  साथै उहाँले विद्यार्थीलाई निर्धक्क भएर परीक्षा दिन र परीक्षालाई डरको रुपमा नलिन पनि आग्रह गर्नुभएको छ । शिक्षा विकास तथा समन्वय इकाई खोटाङका प्रमुख तीर्थ विकले जिल्लामा परीक्षाको तयारी सम्पूर्ण सम्पन्न भइसकेको र भोलिबाट परीक्षा सञ्चालन गराउन पूर्ण रुपमा कार्यालय तयारी अवस्थामा रहेको उल्लेख गर्नुभएको छ ।  

उहाँले प्रश्नपत्र, उत्तरपुस्तिका, केन्द्राध्यक्ष, विद्यार्थी सबै परीक्षा केन्द्रहरूमा पुगिसकेको जनाउनुभयो । यस पटक जिल्लामा जम्मा ३ हजार २ सय २६ जना विद्यार्थी एसइईमा सहभागी हुँदै छन् ।  ति मध्ये नियमित तर्फका २ हजार ४ सय ८३ परीक्षार्थी छन् । यस्तै ग्रेडबृद्धि तर्फ ५ सय ७१ जना र प्राविधिक धार तर्फ १ सय ७२ जना विद्यार्थी परिक्षामा सहभागी हुँदै छन्  ।