सिंहदेवी आविको विव्यस अध्यक्षमा पासाङ शेर्पा सर्वसहमत

चैत्र ६, सोलुखुम्बु । ओखलढुंगाको मोलुङ गाउँपलिका वडा नम्बर ६ स्थित सिंहदेवी आधारभुत विद्यालय ब्यवस्थापन समितिको अध्यक्षमा पासाङ शेर्पा सर्बसहमत चयन हुनुभएको छ । विद्यालयको व्यवस्थापन समितिको कार्यकाल गत फागुन २४ गते सकिए सँगै शेर्पा अध्यक्षमा चयन हुनुभएको हो ।

बुधबार भएको अभिभावक भेलाबाट मोलुङ गाउँपलिका शिक्षा युवा तथा खेलकुद शाखा प्रमुख सरस्वति पौडेलको उपस्थितिमा प्रमाण पत्र प्रदान गरि बिधालय ब्यवस्थापन समितिमा शेर्पालाई चयन गरिएको विद्यालयका प्र.अ अम्बर बहादुर कार्की जानाकरी दिनुभयो । कार्यक्रम मोलुङ गाउँपलिका वडा नः ६ का वडाअध्यक्ष कमल तामाङको प्रमुख अतिथ्यतमा भएको थियोे ।

उक्त कार्यक्रममा मोलुङ ६ का संस्थपक वडा रामकजी तामाङ मोलुङ गाउँपलिका शिक्षा शाखा प्रमुख सरस्वती पौडेल, मोलुङ गाउँपलिका कार्यपलिका सदस्य किन्जु शेर्पा, वडा सदस्य देवेन्द्र बहादुर तामाङ , नेपाली कांग्रेस वडा नः ६ का वडा सभापति अशोक कुमार कटवाल, नेकपा एमाले वडा नः ६ का अध्यक्ष टेकबहादुर तामाङ, नेकपा माओवादी केन्द्र वडा नः ६ का संयोजक गेल्वु शेर्पा लगयत अभिभावक, विद्यार्थी र सरोकारवालाहरूको उल्लेखनीय उपस्थिति रहेको थियो ।