सोलुखुम्बु –ओखलढुंगा नेपाल पब्लिक क्याम्पस संघको अध्यक्षमा उद्धव कुमार शर्मा चयन

चैत्र १२, सोलुखुम्बु । नेपाल पब्लिक क्याम्पस संघ सोलुखुम्बु –ओखलढुंगाको संयुक्त जिल्ला अधिवेशनले उद्धवकुमार शर्मालाई सर्वसम्मत अध्यक्ष चयन गरेको छ । मंगलबार सोलुखुम्बु बहुमुखी क्याम्पसको सभा हलमा भएको जिल्ला अधिवेशनले शर्माको अध्यक्षतामा १३ सदस्यीय नयाँ कार्यसमिति चयन गरेको हो । अधिवेशनले उपाध्यक्षमा माधवराज बस्नेत, कोषाध्यक्षमा दामोदर धमला, सचिवमा इश्वर तिमल्सेना, सह सचिवमा कौशल घिमिरे चयन गरेको छ ।

यस्तै सदस्यहरुमा सुदर्शन गुरुङ, गंगाबहादुर कार्की, हिमालकाजि कट्वाल, विजय नाछिरिङ राई, अनिल पाण्डे, निरञ्जन कटेल र पेशलकुमार खतिवडा चयन हुनुभएको छ । गुणस्तरीय शिक्षा नै आजको आवश्यकता भएकोले जिल्लामा रहेका क्याम्पसहरूमा गुणस्तरीय पठन पाठनका पब्लिक क्याम्पस संघ गठन भएको हो ।

नेपाल पब्लिक क्याम्पस संघ सोलुखुम्बु ओखलढुगांको संयुक्त जिल्ला अधिवेशन निर्वाचन मण्डलका अध्यक्ष पुष्पलाल ढकालको अध्यक्षतामा अधिवेशन सम्पन्न भएको क्याम्पसले जनाएको छ । निर्वाचित कार्यसमितिलाई निर्वाचन अधिकृत ढकालले पद तथा गोपनियताको सथत ग्रहण गराउनु भएको थियो ।