चिशंखुगढीमा भिरबाट लडेर एकको मृत्यु

चैत्र १५, सोलुखुम्बु । ओखलढुङ्गाको कुइभिरमा भिरबाट लडेर एकजना वृद्धको मृत्यु भएको छ । घाँस काट्न जङ्गल जानुभएको चिशंखुगढी गाउँपालिका–१ कुईभिरका ६९ बर्षिय बडिहर्क राईको भिरबाट लडेर ज्यान गएको हो ।

बुधबार घाँस काट्न जानुभएको राई नफर्किनु भएपछि खोजी गर्दा मृत अवस्थामा फेला पर्नुभएको आफन्तले जानकारी दिनुभएको छ । खरबारीको भिरबाट लडि तीनसय मिटर तल राईको शव भेटिएको जिल्ला प्रहरी कार्यालय ओखलढुङ्गाका प्रहरी निरीक्षक मनिष लुईटेलले जानकारी दिनुभयो । घटनाको विषयमा थप अनुसन्धान थालिएको प्रहरीले जनाएको छ ।