पेल्माङ आधारभूत विद्यालयका १५ जना विद्यार्थीलाई शैक्षिक सामग्री वितरण

चैत्र १७ / उद्धव कुलुङ, सोलुखुम्बु । सोलुखुम्बुको महाकुलुङ गाउँपालिका –२ स्थित पेल्माङ आधारभूत विद्यालयका १५ जना विद्यार्थीलाई शैक्षिक सामग्री वितरण गरिएको छ । स्वीसको नागरिक फेबिनले पहाडी विकासको अध्यक्ष भलाकाजी कुलुङको पहलमा उक्त विद्यालयका विद्यार्थीहरुलाई शैक्षिक सामग्री वितरण गरिएको हो ।

ग्रामीण भेगका विद्यार्थीलाई शिक्षामा सहजता प्रदान गर्ने उद्देश्यले फेबिनले भलाकाजी कुलुङको पहलमा उक्त सहयोग गरिएको सहकर्मी उद्धव कुलुङले जानकारी दिनुभयो । वितरण गरिएका सामग्रीहरूमा एक जोड स्कुल ड्रेस, कापी, कलम, क्याल्कुलेटर, डिक्स्नरी, झोला, ज्यामिति बक्स, चित्रकला सामग्री तथा अन्य आवश्यक शैक्षिक सामग्रीहरू समावेश गरिएको थियो । कार्यक्रममा विद्यालयका शिक्षक, अभिभावक तथा विद्यार्थीहरूको उपस्थितिमा पहाडी विकासको कार्यालयमा सम्पन्न भएको थियो ।

विद्यालयका शिक्षक तथा पहाडी विकासको सचिव परम ध्वज कुलुङले यस्तो सहयोगले विद्यार्थीहरूको पठनपाठनमा टेवा पुग्ने भन्दै भलाकाजी कुलुङ र फेबिनलाई धन्यवाद व्यक्त गर्नुभएको छ । विद्यार्थीहरूले समेत नयाँ शैक्षिक सामग्री पाएपछि उत्साहित हुँदै आगामी दिनमा अझ राम्रोसँग पढ्ने प्रतिबद्धता जनाएका थिए ।

पहलकर्ता कुलुङले भविष्यमा पनि यस्ता कार्यक्रमलाई निरन्तरता दिने प्रतिबद्धता व्यक्त गर्नुभएको छ । यस अघि पनि भलाकाजी कुलुङ कै विशेष पहलमा छेस्काम माध्यमिक विद्यालय महाकुलुङ ३ मा अध्ययनरत कक्षा एक देखी १२ सम्मका ७ सय ६२ जना विद्यार्थीहरुलाई झोला तथा अन्य शैक्षिक सामाग्री र विद्यालयलाई खेलकुदका सामग्रीहरु ङिमा दावा फाउन्डेसनद्वारा वितरण गरी विद्यालयलाई सहयोग गर्नुभएको छ । त्यस्तै महाकुलुङ ३ छेस्कामका स्थानीय २ सय ९७ जनालाई ज्याकेट तथा न्यानो कपडा पनि वितरण गर्नुभएको छ ।