महाकुलुङमा स्वास्थ्य बीमा सम्बन्धी अभिमुखिकरण कार्यक्रम सुरु

चैत्र १७, झलक राई, सोलुखुम्बु । सोलुखुम्बुको महाकुलुङ गाउँपालिकामा स्वास्थ्य बीमा सम्बन्धि अभिमुखिकरण कार्यक्रम सुरु भएको छ । आईतबारबाट पालिकाको वडा नम्बर ४ स्थित सहिद स्मृति आधारभूत विद्यालयमा उक्त कार्यक्रम शुभारम्भ भएको हो । स्वास्थ्य बीमा बोर्ड फाप्लु सोलुखुम्बुको सहजीकरण, सामाजिक बिकास मन्त्रालयको कोशी प्रदेश, महाकुलुङ गाउँपालिका, करुणा फाउण्डेसन नेपालको त्रिपक्षिय लागत साझेदारीमा सञ्चालित अपाङ्गता रोकथाम तथा कार्यक्रम अन्तर्गत महाकुलुङ गाउँपालिका स्वास्थ्य शाखाले सामाजिक सहभागिता वृद्धि गर्ने उदेश्यले कार्यक्रम आयोजना गरेको सहकर्मी झलक राईले जानकारी दिनुभयो ।

कार्यक्रम महाकुलुङ अपाङ्गता सरोकारवाला केन्द्र महाकुलुङ ४ मिलिजुली समूह वडा नं ४ कार्यालयको संयुक्त समन्वय र वडा नं ४ की वडा अध्यक्ष सरस्वती राईको सभा अध्यक्षमा कार्यक्रम आयोजना गरिएको छ । आज वडा नं ४ साबिक १ साद्विमा जेष्ठ नागरिक र अपाङगता रहेका ब्यक्तिहरुको स्वास्थ्य बीमा साथै अपाङगता रोकथाम तथा कार्यक्रम सामाजिक सहभागीता वृद्धि रहेको लागि कार्यक्रम गरिएका छन् ।

गुणस्तरीय स्वास्थ्य सेवा पाउने नागरिकको अधिकारको सुनिश्चितता परिचालन गर्न, पुर्व भुक्तानी माध्यमबाट बिमितको आर्थिक न्यूनीकरण गरेर थप बित्तिय संरक्षण प्रदान गर्न, स्वास्थ्य सेवा प्रदायको क्षमता र जवाफदेहिता अभि वृद्धि गरि स्वास्थ्य स्वास्थ्य सेवामा आय नागरिकको सहज सुनिश्चितता गर्न लक्ष्य राखिएको छ । यस्तै जनचेतना बिस्तार अभि वृद्धि स्वास्थ्य बीमाको सेवा लिने प्रकृया बारे जानकारी साथै स्वास्थ्य बीमाको सेवा सुबिधा लिने सम्बन्धि अभिमुखिकरण दिइने सहजकर्ता स्वास्थ्य बीमा बोर्ड फाल्लु सोलुखुम्बुको दर्ता अधिकृत प्रदिप बस्नेत बताउनुभयो ।

हाल महाकुलुङ गाउँपालिकामा महिला ७४८ र पुरुष ७१० तथा जेष्ठ नागरिक ५०९, अपाङ्गता २९ महिला, स्वयंसेविका २७ साधारण बिमित ७१४ गरी कुल १४ सय ५८ जनाले स्वास्थ्य बिमा गरेको गाउँपालिकाले जनाएको छ । यस्तै महाकुलुङ गाउँपालिका र सोताङ गाउँपालिका सञ्चालित करुणा फाउण्डेसन नेपाल संयोजक विवेक खतिवडा २०७८ को जनगणना अनुसार अपाङ्गता कुल ५ सय भन्दा बढी रहेको तथ्यांकमा उल्लेख गरिएको छ ।