महाकुलुङ र साल्पा सिलिछोमा सकियो पहाडी विकासको दुई शिर्षकको कार्यक्रम

चैत्र १९, सोलुखुम्बु । जी फाउन्डेसनको सहयोगमा पहाडी विकास तथा संरक्षण समूह नेपालको दुई शिर्षकको कार्यक्रम दुई जिल्लामा सम्पन्न भएको छ । “दिगो प्राङ्गारिक खेतीको मापदण्ड तथा उत्पादित बालीको मुल्य अभिवृद्धि सम्बन्धी सीप विकास तालिम” र “सुरक्षित कृषि अभ्यासको आवश्यकता विषयक प्रशिक्षण कार्यक्रम” सोलुखुम्बुको महाकुलुङ गाउँपालिका र भोजपुर जिल्लाको साल्पा सिलिछो गाउँपालिकामा सम्पन्न भएको हो ।

महाकुलुङ गाउँपालिकामा १० वटा कृषि समूहबाट ४१ जना र साल्पा सिलिछो गाउँपालिकामा ५ वटा कृषि समूहबाट ४२ जनाको उपस्थिति रहेको छ । महाकुलुङ गाउँपालिकामा दिगो प्राङ्गारिक खेतीको मापदण्ड तथा उत्पादित बालीको मुल्य अभिवृद्धि सम्बन्धी सीप विकास तालिमको लागि सहजकर्ता नीर बहादुर विक रहेको थियो, भने सुरक्षित कृषि अभ्यासको आवश्यकता विषयक प्रशिक्षण कार्यक्रमको लागि सहजकर्ता महाकुलुङ गाउँपालिका स्वास्थ्य शाखा प्रमुख हरि प्रसाद आचार्य रहनुभएको थियो ।

त्यस्तै साल्पा सिलिछो गाउँपालिकाको लागि दिगो प्राङ्गारिक खेतीको मापदण्ड तथा उत्पादित बालीको मुल्य अभिवृद्धि सम्बन्धी सीप विकास तालिमको लागि सहजकर्ता सागर कोइराला र सुरक्षित कृषि अभ्यासको आवश्यकता विषयक प्रशिक्षण कार्यक्रमको लागि सहजकर्ता अनमी रिमा कुलुङ रहनुभएको थियो ।