सिद्धिचरण नगरपालिका दुईमा अपाङ्गता सचेतना कार्यक्रम

चैत्र १९, सोलुखुम्बु । ओखलढुगांको सिद्धिचरण नगरपालिका वडा नम्बर २ मा “अपाङ्गता भएका व्यक्ति तथा परिवारको सामाजिक सहभागिता अभिबृद्धि तथा सामुदायिक समुहहरुमा अपाङ्गता सचेतना कार्यक्रम” सम्पन्न भएको छ । मंगलबार सिद्धिचरण नगरपालिका ओखलढुङ्गाको आयोजनामा तथा करूणा फाउन्डेसन, सामुदायिक अस्पताल मिसन र सामाजिक विकास मन्त्रालय कोशी प्रदेश, एनएफएनको सहयोगमा उक्त कार्यक्रम आयोजना गरी सम्पन्न गरिएको वडा अध्यक्ष वसन्त कटुवालले जानकारी दिनुभयो ।

अपाङ्गता रोकथाम तथा पुनः स्थापना कार्यक्रम (डिपिआरपि) तथा समुदायमा आधारित समावेशी विकास (सिबिआइडि) परियोजना अन्तर्गत वडा तथा मिलिजुली समुहद्वारा तय गरिएको उहाँको भनाई छ । उत्कृष्ट मिलिजुली समुहको अध्यक्ष रामबहादुर खड्काको अध्यक्षता तथा वडा अध्यक्ष बसन्त कटवालका प्रमुख आतिथ्यतामा आयोजित कार्यक्रममा ५३ जनाको सहभागीता रहेको थियो । उक्त कार्यक्रमको कोशी प्रदेश अपाङ्गता महासंघ सदस्य गोपालमान थापा, शँखे स्वास्थ्य चौकी प्रतिनिधि हेमन्त वली र मनोसामाजिक कार्यकर्ता अन्जना थापाले सहजिकरण गर्नुभएको थियो ।