कालिका आविका शिक्षक नेपाली माथि कुटपिट

चैत्र २०, सोलुखुम्बु । खोटाङको रावाबेसी गाउँपालिका २, खार्पाका एक विद्यालयका शिक्षक माथि कुटपिट भएको छ । खार्पामा रहेको कालिका आधारभुत विद्यालयमा विगत २०७६ सालबाट काम गर्दै आएका २६ वर्षिया शान्ती नारायण नेपाली माथि कुटपिट भएको हो । मंगलबार विद्यालयमा विद्यालयको भौतिक कारोबारबारे अभिभावक भेलाभई छलफल भईरहेको समयमा रावा बेसी २ का कांग्रेस सभापति भक्त बहादुर राईले विद्यालय परिसरमा नेपालीलाई हातपात गरिएको आरोप लागेको छ ।

सभापति राईले शिक्षक नेपालीलाई लछारपछार गरी साङ्घातिक आक्रमण सहित कुटपिट तथा अभद्र व्यवहार गरेको पिडित नेपालीको आरोप छ । गाउँपालिका २ घ्याम्पाखर्क निवासी पिडित नेपालिका अनुसार पिडकले मंगलबार मात्र नभई अरुबेला पनि मानसिक तनाव दिने, विद्यालय समयमा धाकधम्की दिने गरेको बताउँछन् ।

यता पिडक भनिने भक्त बहादुर राई मंगलबार भएको घट्ना निज पिडितले भने जस्तो नभएको बरु कर्मचारी विद्यालय समय भन्दा ढिला विद्यालय पुग्ने, विद्यालयमा पढाई नहुने गरेको पाईएको र यसै विषयमा आवाज उठ्दा सामान्य धकेलाधकेल भएको राईको भनाई छ । विद्यालयको पठनपाठन सुधार्नका लागी वर्षौबाट आफू लागि परेको र विद्यालयमा शिक्षा उन्नतिका लागि विद्यालयको भौतिक निर्माणमा श्रमदान साथै स्थानिय तह तथा सम्बन्धित निकयको ढोका घचघचाउन स्वयम आफै लाग्ने गरेको राईको भनाई छ ।