रोटरी क्लब अफ काठमाण्डौँद्वारा आठ थान कम्प्युटर सहयोग

चैत्र २१, सोलुखुम्बु । विद्यालयमा कम्प्युटर शिक्षा प्रदान गर्न सोलुखुम्बुको सोलुदुधकुण्ड नगरपालिका वडा नम्बर ५ सल्लेरी स्थित समता स्कुललाई ८ थान कम्प्युटर प्रदान गरिएको छ । बिहिबार रोटरी क्लब अफ काठमाण्डौँ वेष्ट एण्ड इब्ल्याकबोर्डले एक कार्यक्रमका बिच उक्त कम्प्युटर विद्यालयलाई प्रदान गरेको हो ।

विद्यालयमा कम्प्युटर भएपनि विद्यार्थीहरुलाई अपुग भएकाले सहयोग गरिएको रोटरी क्लबका सदस्य निमा शेर्पाले बताउनुभयो ।नेपालमा डिजिटल प्रविधिमा आधारित पठनपाठनलाई प्रोत्साहित गर्न राष्ट्रिय पाठ्यक्रम प्रारुप २०६३, प्रति विद्यार्थी एक ल्यापटप अवधारणा २०६५, विद्यालय शिक्षामा सूचना तथा सञ्चार प्रविधिको प्रयोगसम्बन्धी निर्देशिका २०६९ मार्फत कार्यक्रमहरु सञ्चालन हुँदै गएका छन् ।