चैत्र २१, सोलुखुम्बु । सोलुखुम्बुको लिखुपिके गाउँपालिकामा तेस्रो अध्यक्ष कप खेलकुद प्रतियोगिता सुरु भएको छ । शिक्षा युवा तथा खेलकुद शाखा खेलकुद समितिको आयोजनामा बिहिबारबाट प्रातियोगिता शुभारम्भ भएको हो । “स्वास्थ्यका लागि खेलकुद, राष्ट्रका लागि खेलकुद” भन्ने मुल नाराका साथ अन्तर वडा स्तरीय पुरुष÷ महिला भलिबल प्रतियोगिता तथा पुरुष डबल ब्याडमिन्टन प्रतियोगिता सुरु भएको आयोजकले जनाएको छ ।
पालिका अध्यक्ष मिना कार्की बस्नेतको अध्यक्षता तथा जिल्ला समन्वय समितिका प्रमुख कृष्ण प्रसाद निरौलाको प्रमुख आतिथ्यतामा सुरु भएको कार्यक्रममा भलिबल पुरुष ६ टिम, महिला ४ टिम र ब्याडमिन्टन तर्फ ९ टिमको सहभागीता रहेको छ । भलिबल प्रतियोगिता तर्फ प्रथम, द्धितिय, तृतिय र सान्तवना हुनेलाई क्रमश : ४० हजार, ३० हजार, २० हजार १० हजार रुपैँया प्रदान गरिने छ, भने ब्याटमिण्टन तर्फ प्रथम, द्धितिय, तृतिय र सान्तवना हुनेलाई क्रमश : १० हजार, ७ हजार र ५ हजार रुपैँया प्रदान गरिने भएको छ ।
उदघाटन कार्यक्रममा बोल्दै पालिका अध्यक्ष मिना कार्की बस्नेतले स्थानीय खेलाडीलाई प्रोत्साहन गर्ने उद्देश्यले अध्यक्ष कप प्रतियोगिता सुरु गरिएको बताउनुभयो । यसले सबैमा जागरुकता गराउने कुरामा टेवा पु¥याउने अध्यक्ष बस्नेतले विश्वास व्यक्त गर्नुभयो । उक्त कार्यक्रममा जिल्ला समन्वय समितिका प्रमुख कृष्ण प्रसाद निरौला, लिखुपिके गाउँपालिका उपाध्यक्ष ङवाङ ल्हाक्पा शेर्पा, रेडियो एभरेष्टका प्रबन्ध निर्देशक भानुभक्त निरौला लगायत विभिन्न संघ संस्थाका प्रतिनिधिहरुको उपस्थिति रहेको थियो ।
Discussion about this post