वर्ल्ड भिजन ईन्टरनेसनल नेपाल र जाल्पा एकीकृत बिकास समाज उदयपुरले गर्यो ६ हजार बालबालिकाहरुलाई न्यानो कपडा वितरण

चैत्र २४, सोलुखुम्बु । उदयपुरका ६ हजार बालबालिकाहरुलाई न्यानो कपडा वितरण गरिएको छ । वर्ल्ड भिजन ईन्टरनेसनल नेपालको आर्थिक सहयोग तथा जाल्पा एकीकृत बिकास समाज उदयपुरको आयोजनामा जिल्लाका विभन्न स्थानका बालबालिकाहरुलाई कपडा वितरण गरिएको हो ।

जसमध्ये संस्थामा दर्ता भएका जिल्लाको पुर्ब तर्फ रौतामाई गाउँपालिका २ भुट्टारका २ सय ८७ जना, ३ लाफागाउंका ३ सय ९८ जना, वडा नम्बर ४ पोखरीका ३ सय ५० जना, वडा नम्बर ५ आपटारका ३ सय ५१ जनालाई कपडा वितरण गरिएको बालमैत्री स्थानीय शासन फोकल पर्सन मिलन परियारले जानकारी दिनुभयो ।

उहाँका अनुसार वडा नम्बर ६ चिसापानीका २सय ५ जना, वडा नम्बर ७ मुर्कुचीका २ सय ९३ जना, वडा ८ पुवारेका १ सय ९८ जना जनालाई वितरण गरिएको हो । साथैै त्रियुगा नगरपालिका १६ खाबुका ३ सय ७६ र लिम्चुङ्बुङ ५ जाँतेका ३ सय ९६ जना गरि कुल २ हजार ८ सय ५४ जना र उदयपुरको पश्चिम कार्यक्षेत्र अन्तरगत कटारी नगरपालिका ८/९ लिम्पाटारका ५०० जना, उदयपुरगढी गाउंपालिका १/२ तावाश्रीका ५ सय ५० जना, ताप्ली गाउंपालिका १ ओख्लेका ५०० जना, २ लेखगाउँका ५०० जना, इनामेका ४ सय ५० जना, र ताप्ली ५ रुपाटारका ६०० जना गरी जम्मा ३ हजार बालबालिकालाई बार्षिक उपहार अन्तरगत न्यानो कपडा हस्तान्तरण गरिएको जाल्पा एकीकृत बिकास समाज उदयपुरका प्रतिनिधि रुद्र प्रसाद पोखरेल जानकारी दिनु भएको छ ।

समुदायका बिपन्न बालबालिकाको बार्षिक उपहार स्वरुप स्टेसनरी सामान बितरण गरदै आएकोमा यस बर्ष स्न २०२५ मा भने ट्याक सुट बितरण गरिएको उहाँको भनाई छ । यस कार्यबाट बिपन्न बालबालिकालाई थप सहयोग पुगेको जाल्पा एकीकृत बिकास समाज उदयपुरका अध्यक्ष पुस्पराज पोखरेलले बताउनुभयो । उदयपुरको पहाडी भु भागमा रहेका बालबालिकालाई वल्र्ड भिजन ईन्टरनेसनल नेपालको बाल स्पोन्सरसीप कार्यक्रमले थप गरिब तथा बिपन्न्न बालबालिकाको निम्ति शिक्षा स्वास्थ्य र जिबिकोपार्जनमा महत्त्वपूर्ण योगदान गरेको र बालबालिकाको संरक्षणमा मदत पुर्याएको जिल्ला संयोजक आनन्द खडकाले बताउनुभयो ।