चट्याङ लागेर खोटाङमा दुई जना घाइते

चैत्र २८, सोलुखुम्बु । खोटाङको दिप्रुङ चुईचुम्मा गाउँपालिका वडा नम्बर ६ छितापोखरीमा चट्याङ लागेर दुई जना घाइते भएका छन् । आज बिहान ८ : ४० बजेको समयमा बर्षासँगै परेको चट्याङले स्थानीय करिब ६० बर्षिया कृष्णमायाँ खड्का र ३० बर्षिया देविका भुजेल घाईते भएका हुन् ।

घरमै बसिरहेको अवस्थामा कृष्णमायाँ खड्कालाई चट्याङ लागिबेहोस अवस्थामा भेटिएको थियो, भने देविका भुजेल चट्याङको आवाजले अत्तालिएर ठोक्किन पुग्दा टाउकोमा गहिरो चोट लागेको पालिका प्रवक्ता भुपेन्द्र बस्नेतले जानकारी दिनुभयो । उहाँका अनुसार अत्तालिएर दौडिदा घाइते भएकी भुजेलको टाउँकोमा ६ टाका लगाईएको छ ।

चट्याङ लागेको खबर पाउँना साथ गाउँपालिकाको गाडीमा अध्यक्ष लोकेन्द्र राईको बिषेश पहलमा दुवै जनालाई आधारभूत अस्पताल ओखरेमा पुर्याई उपचार भइरहेको छ । हाल दुवै जना खतरामुक्त रहेको अध्यक्ष राईको भनाई छ ।