योजना माग्न उदयपुरको ताप्लिमा बाल भेला

चैत्र २९, सोलुखुम्बु । उदयपुरको ताप्ली गाउँ पालिका ५ रुपाटारमा बाल भेला सम्पन्न भएको छ । सुनकोसी बाल क्ल्ब सन्जालको आयोजना वडा बाल अधिकार समितिको समन्वय तथा जाल्पा एकीकृत बिकास समाज उदयपुरको सहजीकरणमा बिहीबार बाल भेला सम्पन्न भएको हो । ५ नम्बर वडा भित्र रहेका समुदाय स्तरीय ८ वटा र बिधालय स्तरीय ७ बाल क्लबका र बाल क्लब सन्जालका १ वटा गरि जम्मा १६ वटा क्ल्बका ६५ जना बालबालिकाको भेलाले बालबालिका सम्बन्धि आफ्नो योजना वडा अध्यक्ष बिष्णु कुमार श्रेष्ठलाई बुझाएको बालमैत्री स्थानीय शासन फोकल पर्सन मिलन परियारले जानकारी दिनुभयो ।

योजना तथा मागमा बाल बिबाह न्यूनीकरण सम्बन्धि जनचेतना मुलक कार्यक्रम, बाल क्ल्ब ब्याबस्थापन तथा सन्चालन, अपांग मैत्री बिधालयको कक्षा कोठा निर्माण, प्रत्येक बिधालयमा बालमैत्री सौचालय, १५ वटै बाल क्ल्ब लाई खेलकुद सामग्री खरिद, आत्मरक्षा सम्बधी तालिम, जीवन उपयोगी सीप, बाल हिंसा दुव्र्यवहार सम्बन्धी र्याली, बिपन्न बालबालिकालाई शैक्षिक सामाग्री हस्तान्तरण, बाल क्ल्ब स्तरिय नृत्य, गायन, बक्तित्वकला प्रतियोगिता लगायतका १० लाख बराबरको योजना पेस गरिएको जाल्पा एकीकृत बिकास समाज उदयपुरका सामाजिक परिचालक इन्द्र नारायण श्रेष्ठले बताउनुभयो ।

बालबालिकाको भेलाले माग गरेका योजनालाई आगामी ०८२÷०८३ को बजेटबाट सम्बोधन गर्ने वडा अध्यक्ष बिष्णु कुमार श्रेष्ठले प्रतिबद्धता व्यक्त गर्नुभयो । बालबालिकाको शीर्षकमा बिनियोजन भएको रकम बालबालिकाकै शिर्षकमा खर्च हुनु पर्ने र सही ठाउमा लगानी गर्नु पर्ने सुनकोसी बाल क्ल्ब संजालकी सदस्य रचना मगरले उल्लेख गनुभयो ।