लिम्चुङबुङको जाँतेमा भलिबल प्रतियोगिता : महिला, पुरुष दुवै तर्फ साबिक आठ हिम्मा विजयी

चैत्र ३१, सोलुखुम्बु । उदयपुरको लिम्चुङबुङ गाउँपालिका वडा नम्बर ५ जाँतेमा आयोजित साबिक वडा स्तरिय महिला तथा पुरुष भलिबल प्रतियोगितामा महिला, पुरुष दुवै तर्फ साबिक आठ हिम्मा विजयी भएको छ । खेलकुद विकास समितिको आयोजना तथा ५ नम्बर वडा कार्यालयको प्रायोजनमा साबिक वडा स्तरिय महिला तथा पुरुष भलिबल प्रतियोगिताको उपाधी महिला, पुरुष दुवै तर्फ साबिक हिम्मा विजयी भएको हो ।

जसको पुरुष तर्फ साबिक ६ नम्बर राजखौ र साबिक १ नम्बर टोडके तेस्रो भएका छन् । यस्तै महिला तर्फ साबिक ७ नम्बर हिम्मा दोस्रो र साबि ५ नम्बर चौलाने तेस्रो भएको आयोजकले जनाएको छ । प्रतियोगितामा पुरुष १० टिम र महिला तर्फ ५ गरि जम्मा १५ टिमको सहभागीता रहेको थियो ।

महिला, पुरुष दुवै तर्फका प्रतियोगीहरुलाई क्रमश : १३ हजार, १० हजार र ७ हजारको साथमा शिल्ड, मेडल र प्रमाणपत्र प्रदान गरिएको बिकास समिति जाँतेका अध्यक्ष रमणशेर राईले बताउनुभयो । यता उत्कृष्ट खेलाडी महिला तर्फ सुन्दरी राई र पुरुष तर्फ टाईसन राई घोषित भएका छन् । उक्त खेल चैत ३० र ३१ गते जाँतेको खेल मैदानमा आयोजना गरिएको थियो ।