बाबुले काटेर शख्त घाईते भएकी ५ वर्षीया बालिकालाई थुलुङदुधकोशी पालिकाले गर्यो हेलि उद्धार

वैशाख ०४, सोलुखुम्बु । आफ्नै बाबुले काटेर शख्त घाईते भएकी थुलुङदुधकोशी गाउँ पालिका ९ लोखिमकी ५ बर्षिया बालिकाको थप उपचारको लागि गाउँ पालिकाले हेलिकप्टर चार्टर गरि काठमाडौँ पठाएको छ ।
विहान ३२ वर्षका बाबू चामकुमार तामाङले धारिलो हतियार प्राहार गरि घाईते भएकि ५ वर्षीया छोरी पवित्रा तामाङको थुलुङदुधकोशी अस्पतालले काठमाडौं रिफर गरेपछि पालिकाकै खर्चमा हेलिकप्टर चार्टर गरि काठमाडौं पठाएको हो ।

अबोध बालिकाको जीवन रक्षाकाे लागि स्थानीय सरकारले हेलिकप्टर मार्फत उपचारका लागि उद्धार गरेको पालिका अध्यक्ष असिम राईले बताउनु भयो । उहाँका अनुसार घटना हुनासाथ बालिकालाई अस्पताल ल्याएर प्रारम्भिक उपचार गरिएको थियो । तर यहाँ उपचार संभव नभए पछि नागरिकको जीवन बचाउनु सरकारको दायित्व भएकाले हेलि चार्टर गरेर काठमाडौ पठाएको उहाँले जानकारी दिनुभयो ।

आज बिहान साँढे ६ बजे घरमै खुकुरीले काटेर बाबू फरार भएको र छोरीको टाउकोमा गम्भीर चोट लागेको जिल्ला प्रहरी कार्यालय सोलुखुम्बुका प्रमुख डिएसपि द्वारिका प्रसाद घिमिरेले जानकारी दिनुभयो । फरार अभियुक्तको खोजी कार्यलाइ तिब्रता दिएको प्रहरीले जनाएको छ ।