खुल्ला जुनियर पुरुष भलिबल प्रतियोगिताको उपाधी मिरमिरे एकता युवा क्लबलाई

बैशाख ६, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ३ मा आयोजित खुल्ला जुनियर पुरुष भलिबल प्रतियोगिताको उपाधी आयोजक टिम मिरमिरे एकता युवा क्लबले जितेको छ । आज भएको फाइनल खेलमा ओखलढुगां, भदौरेलाई हराउँदै मिरमिरे एकता युवा क्लब विजयी भएको हो ।

विजेता टिमले ३० हजार नगद ट्रफी, मेडल र प्रमाण पत्र पाएको छ भने उपविजेता बनेको टिम ओखलढुगां, भदौरेले २० हजार नगदसहित ट्रफी, मेडल र प्रमाण पत्र प्राप्त गरेको छ ।

तेस्रो भएको कैलाश्वरी युवा क्लबले १० हजार नगदसहित ट्रफी, मेडल र प्रमाण पत्र र चौथो हुने माप्य दुधकोशी ५ लाई ५ हजार नगद सहित ट्रफी, मेडल र प्रमाण पत्र प्रदान गरिएको मिरमिरे एकता युवा क्लबका अध्यक्ष बुद्धि बहादुर मगरले बताउनुभयो ।

खेलका उत्कृष्ट खेलाडीहरूलाई पनिसम्मान गरिएको थियो । प्रतियोगितामा वेस्ट डिफेन्डर सुसिल मगर त्यस्तै वेस्ट ब्लकर सञ्जय राणा मगर हुँदा उत्कृष्ट स्पाईकार मिन कुमार माझी, उत्कृष्ट सेटरमा रेलिस तामाङ र सर्बाेउत्कृष्ट खेलाडीमा मोति मगर सम्मानित हुनुभएको छ । कार्यक्रमलाई सफल बनाउनका लागि सहयोग गर्नुहुने सहयोगिदाताहरु र प्रतियोगितामा नृत्य प्रस्तुत गरेकाहरुलाई समेत नगद तथा सम्मानपत्रले सम्मान गरिएको आयोजकले जनाएको छ ।

उक्त कार्यक्रममा जिल्ला समन्वय समिति सोलुखुम्बुका उपप्रमुख टीका माया मगर, सोलुदुधकुण्ड नगरपालिका वडा नम्बर ३ का वडा अध्यक्ष ल्हाक्पा गेलु शेर्पा,पिके सामुदायिक वनका अध्यक्ष सन्तोष मगर (र्याबिट) लगायत विभिन्न प्रतिनिधिहरुको उपस्थिती रहेको थियो ।