नेचासल्यानका प्रमुख प्रशासकीय अधिकृत घिमिरेलाई बिदाइ

असोज १७, सोलुखुम्बु । सोलुखुम्बुको नेचासल्यान गाउँपालिकाका प्रमुख प्रशासकीय अधिकृत टंकनाथ घिमिरेलाई गाउँपालिकाले बिदाइ गरेको छ । गाउँपालिकाले शुक्रबार ‘बिदाइ तथा फेरि भेटौँला’ कार्यक्रममार्फत घिमिरेलाई बिदाइ गरिएको हो । गाउँपालिकामा कार्यरत रहँदा घिमिरेले निर्वाह गर्नुभएको जिम्मेवारी, पुर्याउनुभएको योगदान तथा सहकार्य र सेवाभावको स्मरण गर्दै गाउँपालिका परिवारले उहाँप्रति धन्यवाद व्यक्त गरेको थियो ।

कार्यक्रममा घिमिरेसँगको कार्यसम्पादनका क्रममा भएको सहकार्य र अनुभवको समेत चर्चा गरिएको थियो । घिमिरे अब पर्सा जिल्लामा कार्यरत रहनुहुनेछ । बिदाइ कार्यक्रममा गाउँपालिका परिवारले नयाँ कार्यक्षेत्रमा समेत प्रभावकारी रूपमा जिम्मेवारी निर्वाह गर्न सक्नुहोस् भन्दै उहाँको आगामी कार्यकाल सफल, सुखद र उपलब्धिमूलक रहोस् भनी शुभकामना व्यक्त गरेको छ । घिमिरेको बिदाइसँगै गाउँपालिकाले उहाँसँगको सहकार्य र कार्यकालका अनुभवलाई स्मरण गर्दै आगामी दिनमा पनि आपसी सम्बन्ध कायम रहने अपेक्षा व्यक्त गरेको छ ।