बैशाख ९, सोलुखुम्बु । जिल्ला हुलाक कार्यालय सोलुखुुम्बुमा नौ महिनामा ४ लाख बढी राजश्व संकलन भएको छ । कार्यालयले चालु आर्थिक वर्षको साउनदेखी चैत्र मसान्तसम्ममा ४ लाख २० हजार ३ सय ९५ रुपैयाँ राजस्व संकलन गरेको हो ।
कार्यालयको तथ्याङक अनुसार टिकट बिक्री बापत ३ लाख ७ हजार ५ सय ६० रुपैयाँ, पार्शल महशुल बापत १८ हजार ८ सय ५ र रजिष्ट्री बापत ८९ हजार ५ सय ३० रुपैयाँ र हुलाक महसुल सिसाखोलामा ४ हजार ५ सय रुपैयाँ राजस्व संकलन भएको जिल्ला हुलाक कार्यालय सोलुखुम्बुका सूचना अधिकारी उर्मिला भट्टराईले जानकारी दिनुभयो ।
उहाँका अनुसार साउनमा २७ हजार १ सय ५०, भदौमा ५३ हजार ५ सय ६५, असोजमा ३० हजार १ सय ९५, कार्तिकमा ५६ हजार ५०, मंसिरमा ३७ हजार ७० र पुसमा २९ हजार १ सय ४५ रुपैयाँ राजस्व संकलन भएको छ । यस्तै माघमा ४१ हजार ३ सय २५, फागुनमा ५५ हजार ८ सय ९० र चैतमा ८५ हजार ५ सय ५ रुपैयाँ राजस्व संकलन भएको कार्यालयको तथ्याङमा उल्लेख गरिएको छ ।
Discussion about this post