सोताङ क्याम्पसको स्ववियु सभापतिमा गठबन्धनका उम्मेद्वार मिलन राई विजयी 

बैशाख २५, सोलुखुम्बु । सोताङ पब्लिक क्याम्पसको स्ववियु अध्यक्षमा मिलन राई निर्वाचीत भएका छन् ।  विहीबार सम्पन्न निर्वाचनबाट क्याम्पसको स्ववियु नेकपा एमाले निकट अनेरास्ववियु र माओवादी निकट अनेरास्ववियूको गठबन्धनका उम्मेद्वार राईले सभापति पदमा विजयी हासिल गरेका हुन् । निर्वाचनमा नेपाल विद्यार्थी सङ्घका प्रकाश राईले सचिव पदमा विजयी हासिल गरेका छन् भने कोषाध्यक्षमा नेविसङ्घकै नमुना कार्की निर्वाचीत बनेका छन् ।  यस्तै खुल्ला सदस्यमा नेविसङ्घका बसन्त नाछिरिङ, नवीन राई र बामपन्थी गठबन्धनका फुरा शेर्पाले विजय हासिल गरेका छन् ।  यस्तै समानुपातिक सदस्य तर्फ नेविसङ्घले २ सदस्य, अनेरास्ववियुले २ सदस्य, अखिल क्रान्तिकारीले १ सदस्य पाएको सम्वाददाता दान बहादुर बस्नेतले बताउनुभयो ।  निर्वाचनमा १ सय ४० मत खसेको थियो ।