खोटाङमा सुरू भयाे दाेश्राे बृहत खाेटाङ्ग हलेसी खेलकुद, साहित्यीक तथा पर्यटन महाेत्सव

बैशाख २७, सोलुखुम्बु ।  खाेटाङ्गमा  अाजबाट  दाेश्राे बृहत खाेटाङ्ग हलेसी खेलकुद, साहित्यीक तथा पर्यटन महाेत्सव सुरू भएकाे छ ।  जेठ ४ गते सम्म चल्ने उक्त महाेत्सवमा िविभन्न ४ विधामा खेलकुद सहिततका कार्यक्रमहरू हुने छन् । नेपाल खेलकुद प्रतिष्ठानकाे अायाेजना तथा नेपाल कराँते महासंघकाे व्यवस्थापनमा सुरू भएकाे महाेत्सवकाे पहिलाे दिन दाैड अन्तर्गत हाफ म्याराथन लगायतका दाैड कार्यक्रम सम्पन्न भएका छन्र ।  अाज सम्पन्न हाफ म्याराथनको उपाधि पुरुषतर्फ नेपाल आर्मीका सञ्जय श्रेष्ठ र महिलातर्फ पनि आर्मीकै पूर्णलक्ष्मी न्यौपानेले जितेका छन्। शनिबार जिल्ला सदरमुकाम दिक्तेलमा सम्पन्न २१ किलोमिटर हाफ म्याराथनको उपाधि आर्मीका श्रेष्ठ र न्यौपानेले जितेका हुन्। उपाधिसँगै दुवै जनाले समान ७७ हजार सात सय ७७ नगदको साथमा ट्रफी, मेडल र प्रमाणपत्र पाएका छन्। श्रेष्ठले एक घण्टा ८ मिनेट १४ सेकेन्ड र न्यौपानेले एक घण्टा २७ मिनेट १६ सेकेन्डमा दूरी पूरा गरेका थिए । नेपाल खेलकुद प्रतिष्ठान खोटाङको आयोजनामा दिक्तेल बजारमा वैशाख २७ गतेबाट सुरु भएको ‘दोस्रो बृहत् खोटाङ हलेसी खेलकुद, साहित्यिक तथा पर्यटन महोत्सव–२०८२’ अन्तरगत पहिलो दिन हाफ म्याराथन सहित विभिन्न उमेर समूहको दौड प्रतियोगिता भएका हुन ्। विदेशका एक जना, जिल्ला बाहिरका करिब दुई सय जना र खोटाङका गरी जम्मा ९७० जना दौडिएका थिए ।

हाफ म्याराथनको पुरुषतर्फको दोस्रो, तेस्रो, देखी सातौँ स्थान सम्मका प्रतिस्पर्धीलाई पुरस्कार सहित सम्मानित गरिएको छ ।  दोश्रो तेश्रो देखी सातौँ सम्म क्रमशः क्रमश नेपाल आर्मीका नरेन्द्रसिंह रावत, सुशीलकुमार साही, नेपाल प्रहरीका अजितकुमार यादव, तेह्रथुमका सरोज लिम्बू, नेपाल आर्मीका रामजी बस्नेत र कर्णबहादुर रोका मगर भएका छन्। यस्तै महिलातर्फ दोस्रो, तेस्रो, चौथो, पाँचौ, छैटौँ र सातौँ क्रमशः नेपाल आर्मीका निर्मला केसी र निशा सार्की, पाँचथरका पुष्पा शेर्पा, खोटाङका दिपा बस्नेत, भोजपुरका सुस्मा राई र नेपाल आर्मीका अमिशा राई भएका छन्। पुरुष तथा महिला दुवै तर्फका दोस्रो देखि सातौँ सम्म हुने खेलाडीले क्रमश ५५ हजार ५५५, २५ हजार ५५५, १५ हजार ५५५, ११ हजार १११, सात हजार ७७७ र पाँच हजार ५५५ नगद पुरस्कारको साथमा ट्रफी, मेडल र प्रमाणपत्र पाएका छन्।
दौडमा विजयी एवं सहभागीहरुलाई कोशी प्रदेशका सामाजिक विकास मन्त्री पाँचकर्ण राई, दिक्तेल रूपाकोट मझुवागढी नगरपालिकाका मेयर तीर्थराज भट्टराई लगायतका ब्यक्तिहरुले पुरस्कार प्रदान गरेका छन्। आजबाट सुरु दोश्रो खोटाङ हलेसी खेलकुद तथा साहित्यीक तथा पर्यटन महोत्सव आगामी जेठ जेठ ४ गतेसम्म दिक्तेलमा सञ्चालन हुने छ । वैशाख ३० र ३१ खुला जुनियर एवं सिनियर पुरुष÷महिला राष्ट्रिय टेबल टेनिस प्रतियोगिता सञ्चालन हुने छ। खुला राष्ट्रिय बुद्धिचाल र जिल्लाभित्रको बुद्धिचाल प्रतियोगिता पनि वैशाख ३० र ३१ गते नै दिक्तेलमा सञ्चालन हुने छन्।  महोत्सवको अन्तिम दिन जेठ ४ गते दिक्तेलमा राष्ट्रिय खुला साहित्य महोत्सव हुने छ ।