ताप्लिका २५ मेलमिलापकर्ताको लागी सुरु भयो पुनर्ताजगी तालिम

ठविन्द्र मगर – उदयपुर, बैशाख २७ ।  उदयपुरको ताप्लि गाउँपालिकामा रहेका मेलमिलापकर्ताको लागी पुनर्ताजगी तालिम सुरु भएको छ ।  ताप्ल गाउँपालिका उदयपुरको आयोजनामा शनिबारबाट दुईदिने पुनर्ताजगी तालिम सुरु भएको हो ।  ५ वटा वडामा न्यायिक कार्य सम्पादनका लागी नियुक्त गरिएका २५ जना मेलमिलापकर्ताहरुको लागी तालिमको आयोजना गरिएको गाउँपालिकालाई उदृत गर्दै संवाददाता ठविन्द्र मगरले जानकारी दिनुभयो ।  

गत वर्ष  छनौट तथा सूचिकृत गरिएका उनिहरुका लागी आफ्नो वडामा न्यायिक कार्य सम्पादन गर्न सहज होस भन्नका लागी सोही समयमा ४८ घण्टे मेलमिलाप तथा न्याय सम्पादन सम्बन्धी तालिम प्रदान गरिएको थियो । त्यसपछि चालु आ/व को ताप्ली गाउँपालिकाको स्वीकृत वार्षिक कार्यक्रम अनुसार मेलमिलाप कर्ताहरुलाई न्याय सम्बन्धी पुनर्ताजगी तालिम प्रदान गरिएको गाउँपालिकाकी उपाध्यक्ष तथा न्यायिक समितिका संयोजक धनमाया मगरले बताउनुभयो । उहाँको भनाइ अनुसार हाल ताप्ली गाउँपालिका न्यायिक समितिमा मुद्दा  दर्ता हुने संख्या कम रहेको बताउनु भएको छ ।

किनकी सानातिना घरझगडा, साँध सीमाको झगडा र अन्य प्रकृतिका केसहरु टोल बिकास संस्था ,वफा न्यायिक समिति मार्फत नै समाधान हुने हुँदा सहजता भएको  बताईएको छ । दुई दिन सम्म सञ्चालन हुने तालिमको सहजिकरण जिल्ला अदालत गाईघाट उदयपुरको अधिवक्ता  बिना पाण्डेले गरिरहनु भएको छ ।

उद्घाटनमा सत्रमा बोल्नुहुदै गाउँपालिका अध्यक्षले समाजमा भएका साना तथा मझौला उजुरी , मुद्दा दर्ता र फर्छ्याैट, न्याय निरुपण अवलम्बन गरि समाज रूपान्तरणको अभियानमा महत्वपूर्ण भूमिका रहने भएकोले हरेक उजुरी मुद्दाहरू मेलमिलाप गर्ने कार्यमा सजग र उत्तरदायी भएर काम गर्न आग्रह गर्दै दुई दिने तालिमको शुभकामना व्यक्त गर्नुभयो । पुनर्ताजगी तालिम गाउँपालिकाको सभाहल रुपाटारमा भैइरहेको छ ।