ओखलढुंगालाई पूर्ण खोप सुनिश्चितता तथा दिगोपना जिल्ला घोषणा

बैशाख २८, सोलुखुुम्बु । ओखलढुंगालाई पूर्ण खोप सुनिश्चितता तथा दिगोपना जिल्ला घोषणा गरिएको छ । १५ महिना मुनिका सबै बालबालिकाले सरकारले निःशुल्क प्रदान गर्दै आएको १४ प्रकारका खोपको मात्रा पूरा गरेपछि शनिबार एक कार्यक्रमका बीच यो घोषणा गरिएको हो ।

जिल्ला स्वास्थ्य कार्यालय ओखलढुंगाका अनुसार हालसम्म ३ हजार १ सय४० जना बालबालिकाले पूर्ण खोप प्राप्त गरिसकेका छन् भने थप १ हजार ६ सय ८४ जना बालबालिकाले खोप लगाइरहेका छन् । कार्यालयका खोप संयोजक उमा गुरुङले ती सबैले खोपको मात्रा पूरा गरेको पुष्टि गरेपछि यो उपलब्धि हासिल भएको जानकारी दिनुभयो ।

जिल्लाका प्रमुख महमद मन्सरले यसअघि सबै ७५ वटा वडा र ८ वटै पालिकामा खोप सुनिश्चितता घोषणा भइसकेको र त्यसपछि जिल्लालाई समग्रमा पूर्ण खोप सुनिश्चितता जिल्ला घोषणा गरिएको बताउनुभयो । कार्यक्रम जिल्ला समन्वय समितिको हलमा आयोजना गरिएको थियो । कार्यक्रममा खोप अभियानमा योगदान पु¥याउने ८ जना स्वास्थ्यकर्मी र ८ वटै स्थानीय तहलाई सम्मान गरिएको थियो ।

जिल्ला स्वास्थ्य कार्यालयका अनुसार चालु आर्थिक वर्षमा कोशी प्रदेशमा पूर्ण खोप सुनिश्चितता तथा दिगोपना घोषणा हुने जिल्लामध्ये ओखलढुंगा पहिलो भएको हो । आगामि वर्षमा पनि कसैलाई खोप नछुटाउने प्रतिबद्धता सहित सम्बन्धित निकायले हस्ताक्षर गरेका छन् ।