खुम्बु क्षेत्रको फोहोर व्यवस्थापन गर्न खुम्बु र युएनडिपीबीच सम्झौता 

बैशाख २९, सोलुखुम्बु ।  विश्वकै पहिलो रोजाईमा पर्ने पर्यटकीय गन्तव्य सगरमाथा क्षेत्रलाई सफा राख्न त्यहाँ स्थित स्थानीय तहले अन्तराष्ट्रिय संस्थासँग सम्झौता गरेको छ ।  सोलुखुम्बुको पनि माथिल्लो सोलुखुम्बु भनेर चिनिने खुम्बु क्षेत्रलाई सफा राख्न खुम्बु पासाङ ल्हामु गाउँपालिकाले अन्तराष्ट्रिय सहयोगी संस्था युएनडिपीसँग सम्झौता गरेको हो ।  गाउँपालिका अध्यक्ष मिङ्मा छिरी शेर्पा र युएनडिपीका नेपाल प्रतिनिधि क्योको युकोस्योकाबीच गाउँपालिकाको लुक्लामा फोहोर प्रशोधन केन्द्र निर्माण, वर्गीकरण, सङ्कलन केन्द्र निर्माण गर्ने विषयको समझदारीपत्रमा हस्ताक्षर भएका हो ।  खुम्बुलाई सफा राख्नका लागी गाउँपालिकाको पहलले यो सम्झौता सफल भएको गाउँपालिकाका प्रवक्ता ल्हाक्पा छिरी शेर्पाको भनाई छ ।