भोजपुरमा सुरु भयो नयाँ कार्यक्रम, युवालाई उद्यम र रोजगारीमा प्रोत्साहन

बैशाख ३१, सोलुखुम्बु । भोजपुरको पौवादुङ्मा गाउँपालिकामा पहिलोपटक ‘वृद्धिमुखी उद्यमशीलता र रोजगारी प्रवद्र्धन’ कार्यक्रम सुरु गरिएको छ । कोशी प्रदेश सरकार, पौवादुङ्मा गाउँपालिका र दायित्व नामक संस्थाको लागत साझेदारीमा सञ्चालन गरिएको यो कार्यक्रम उद्यमशीलता विकास तथा स्थानीय रोजगारी सृजनामा टेवा पु¥याउने उद्देश्यसहित अघि बढाइएको हो ।

कार्यक्रमअन्तर्गत गाउँपालिकाभित्रका ४० जना उद्यमीहरूलाई छनोट गरिएको दायित्व संस्थाका कोशी प्रदेश संयोजक भविन विश्वकर्माले जानकारी दिनुभयो । उहाँका अनुसार छनोटमा परेका उद्यमीहरूलाई तीनदिने उद्यमशीलता सम्बन्धी विशेष प्रशिक्षण प्रदान गरिएको छ । त्यसैगरी, प्रारम्भिक चरणमा छनोट भएका १० जना व्यवसायीलाई एक–एक लाखका दरले नवप्रवद्र्धन सहयोग पनि गरिने छ । यस कार्यक्रमले व्यवसायीहरूमा उद्यमशीलताको भावना अभिवृद्धि गरी आर्थिक आत्मनिर्भरता हासिल गर्न मद्दत गर्ने अपेक्षा गरिएको छ ।

गाउँपालिका उपाध्यक्ष ज्योत्स्ना राईले प्रस्तुत कार्यक्रमले स्थानीय व्यवसायीहरूमा नयाँ उत्साह जगाउने विश्वास व्यक्त गर्दै यस्ता योजनाले दीर्घकालीन सकारात्मक असर पार्ने बताउनुभयो । कार्यक्रमको कुल लागत ७५ लाख रहेको छ, जसमा कोशी प्रदेश सरकारबाट रु ४० लाख, गाउँपालिकाबाट रु २० लाख र दायित्व संस्थाबाट रु १५ लाख विनियोजन गरिएको संयोजक विश्वकर्माले जानकारी दिनुभयो ।