जेठ २, सोलुखुम्बु । नेपाली काँग्रेस सोलुखुम्बु प्रदेश क कोे क्षेत्रीय सम्मेलनको तयारी पुरा भएको छ । भोलीे शनिबार जेठ ३ गते सोलुखुम्बुको थुलुङ दुधकोशी गाउँपालिका–६ स्थित मुक्लिमा हुने क्षेत्रीय सम्मेलनको तयारी पुरा भएको नेपाली काँग्रेसका प्रवक्ता एवम संयोजक प्रचारप्रसार विभाग अश्विन बाबु थापाले जानकारी दिनु भएको छ ।
सम्मेलनको उद्घाटन गर्न काँग्रेस नेता तथा नेपाली सरकारका गृहमन्त्री रमेश लेखक भोलि बिहान ९ बजे आउनुहुने कार्यक्रम तय भएको छ ।
यस्तै, सम्मेलनमा केन्द्रीय कार्य सम्पादन समितिका सदस्य बलबहादुर के।सी।, नेपाली काँग्रेसका पर्यटन विभाग प्रमुख आङगेलु शेर्पा , कोशी प्रदेशको भौतिक पुर्वाधार मन्त्री भुपेन्द्र राई, उमेश थापा लगायतका विशिष्ट नेताहरूको उपस्थिति रहने छ । कार्यक्रमको सम्पूर्ण तयारी पूरा भएको प्रवक्ता थापाले जानकारी दिनुभयो ।
Discussion about this post