नेले- बुढीडाँडा- महाकुलुङ सडक कालाेपत्रेका लागी ३० कराेड स्वीकृत

जेठ २, साेलुखुम्बु ।  साेलुखुम्बुकाे  नेले-बुढिडाँडा-सोताङ – महाकुलुङ सडक कालोपत्रेका लागि ३० करोडको बहुबर्षीय कार्यक्रम स्वीकृत भएको छ । थुलुङ दुधकोशी स्थानीय सरकारको प्रस्तावमा कोशी प्रदेश मार्फत उक्त कार्यक्रम स्वीकृत भएको थुलुङ दुधकोशी गाउँपालिका प्रवक्ता भोजराज कार्कीले जानकारी दिनुभयो ।

थुलुङ दुधकोशी गाउँपालिकाको लागि अर्को महत्त्वपूर्ण कार्यक्रम स्वीकृत भएको गाउँपालिका अध्यक्ष असिम राईले बताउनुभयो । जसको लागि अहोरात्र खट्नुहुने प्रदेश सांसद गोम्बु शेर्पा (कर्ज्याङ) र माओवादी संसदीय दलका नेता इन्द्रबहादुर आङ्बो धन्यवादको पात्र बन्नुभएको अध्यक्ष राईले सामाजिक संजाल मार्फत व्यक्त गर्नुभएको छ ।

गाउँपालिकाको गौरवको योजना अन्तर्गत नेले (मुक्ली कालोपत्रेको काम धमाधम भइरहेको भन्दै अध्यक्ष राईले नेले(बोगल हुँदै बुडिडाँडा( सोताङ( महाकुलुङ सडकको लागि पनि बहुबर्षीय कार्यक्रम स्वीकृत हुनु अर्को खुसीको कुरा रहेको बताउनुभयो ।

गाउँपालिका प्रवक्ता समेत रहनुभएका थुलुङ दुधकोशी वडा नम्बर ७ का वडा अध्यक्ष भोजराज कार्कीले स्थानीयको आवश्यकता अनुसार निर्वाचनका बेला वडाको तर्फबाट सांसद शेर्पालाई अनुरोध पत्र समेत पेस गरिएको स्मरण गर्दै माग पूरा भएको बताउनुभयो ।

कार्यक्रम स्वीकृत गराउन स्थानीय सरकारको तर्फबाट महत्त्वपूर्ण भुमिका सहित प्रस्ताव पेश गर्नुहुने गाउँपलिका अध्यक्ष असिम राई र पहल गर्नुहुने सांसद शेर्पालाई थुलुङ दुधकोशी ७ र ८ देउसा सहित कोशी पारीका नागरिकले धन्यवाद दिएका छन ।