किरात राई कर्मचारी मञ्च सोलुखुम्बुको तेस्रो अधिवेशन सम्पन्न, मना राज राईको अध्यक्षतामा नयाँ कार्यसमिति गठन

जेठ ३, सोलुखुम्बु । किरात राई कर्मचारी मञ्च सोलुखुम्बुको तेस्रो अधिवेशन संयोजक दिनेश कुमार राईको अध्यक्षता तथा मञ्चका केन्द्रीय कार्यसमितिका सचिव यज्ञ प्रसाद राईको प्रमुख आतिथ्यतामा सम्पन्न भएको छ । अधिवेशनले वन अधिकृत मना राज राईको अध्यक्षतामा १५ सदस्यीय नयाँ कार्यसमिति सर्वसहमतिले चयन गरेको छ । नवगठित कार्यसमितिको उपाध्यक्षमा सुनिता राई, सचिवमा रमण कुमार राई, सहसचिवमा रुबिना राई, कोषाध्यक्षमा जंङ्ग राई चयन भएका छन्।

यस्तै सदस्यहरूमा योङ्ग बहादुर राई, हिरोन राई, रोशन राई, सन्तोष नाछिरिङ राई, खबिराज राई, छविराज नाछिरिङ राई, प्रज्वल राई, राजकुमार राई, शरण कुमार राई, र रेख बहादुर राई रहेका छन् । कार्यक्रममा बोल्दै केन्द्रीय सचिव यज्ञ प्रसाद राईले किरात राई समुदायलाई राज्यको मुलधारमा लैजाने र सार्वजनिक प्रशासनमा प्रभावकारी प्रतिनिधित्व गराउने लक्ष्यसहित संगठन अघि बढिरहेको बताउनुभयो । उहाँले समावेशी लोकतन्त्रलाई सुदृढ बनाउँदै समुदायको सबलीकरणमा जोड दिने बताउनुभयो ।

नव निर्वाचित अध्यक्ष मना राज राईले सामाजिक रूपान्तरणका लागि संगठनलाई सक्रिय रुपमा संलग्न गराउने प्रतिबद्धता व्यक्त गर्नुभयो । अधिवेशनमा किरात राई समुदायको पहिचान संरक्षण, समान अवसर र अधिकारका पक्षमा संगठित ढंगले अघि बढ्नुपर्नेमा जोड दिइएको थियो ।