काङ्ग्रेस काङ्ग्रेसको लडाँइले विपक्षीसँग लड्ने समर्थ्य सकिएपछि चुनाव हारियो ः गृहमन्त्री लेखक 

जेठ ३, सोलुखुम्बु ।  नेपाली काङ्ग्रेसका केन्द्रिय कार्य सम्पादन समिति सदस्य, केन्द्रिय सदस्य एवं नेपाल सरकारका गृह मन्त्री रमेश लेखकले काङ्ग्रेस भित्र विचारमा फरक मत भएपनि काङ्ग्रेस एउटै रहेको दावी गर्नुभएको छ ।  

नेपाली काङ्ग्रेस प्रदेश सभा क ले आयोजना गरे्को क्षेत्रीय सम्मेलनमा बोल्दै उहाँले काङ्ग्रेस भित्र गुट वा समुह भएपनि सिद्धान्त एउटै रहको बताउनुभएको हो । क्षेत्रीय सम्मेलनको उद्‌घाटन गर्न प्रमुख अतिथिको रुपमा आउनुभएका गृहमन्त्री लेखकले सोलुखुम्बुमा मात्रै नभएर देशमै काङ्ग्रेस सङ्गठनमा बलियो भएपनि आन्तरिक लडाँइका कारण बाहिर कमजोर भएको उल्लेख गर्नुभयो ।  

उहाँले काङ्ग्रेसभित्रको लडाँइले विपक्षीलाई अगाडि जान मद्दत गरेको भन्दै अव एक अर्कालाई स्वीकारेर जानुको विकल्प नभएको जिकिर गर्नुभयो । उहाँले काङ्ग्रेसभित्रको लडाइलाई बन्द गरेर त्यो सक्ती विपक्षीसँग लड्न प्रयोग गर्नुपर्ने आग्रह गर्नुभयो । नेचासल्यान गाउँपालिका अध्यक्ष धनजन राईको अध्यक्षता एवं नेपाली काङ्ग्रेसका नेता, पुर्व मन्त्री बलबहादुर केसी, केन्द्रिय सदस्य एवं पर्यटन विभाग प्रमुख आङगेलु शेर्पा लगायत नेपाली काङ्ग्रेसका जिल्ला सभापति नाम्गेल जाङ्बु शेर्पा लगायतको आतिथ्यतामा सम्पन्न भएको हो ।