नेपालमै पहिलो पटक हिमाली कला सम्मेलन सोलुखुम्बुमा, ३ चित्रकार पुरस्कृत 

जेठ ४, सोलुखुम्बु । सोलुखुम्बुमा आयोजित हिमाली कला सम्मेलन सम्पन्न भएको छ ।  नेपालमै पहिलो पटक आयोजना भएको हिमाली कला सम्मेलन सोमबार सम्पन्न भएको हो ।  नेपाल ललितकला पज्ञा प्रतिष्ठानका कुलपति नारदमणि हार्तम्छालीको प्रमुख आतिथ्यतामा सुरु भएको कला सम्मेलनको प्रज्ञा प्रतिष्ठानका पुरातत्व कला विभाग प्रमुख पाल्सङमु शेर्पाको प्रमुख आतिथ्यतामा सम्पन्न भएको हो ।

 बुद्ध जयन्तीको अवसरमा सोलुखुम्बुको सल्लेरी स्थित थेक्छेन पेमा छोलीङ गुम्बाको आयोजना तथा रुबेन आर्ट म्युजियम अमेरीकाको साझेदारीमा आयोजित कला सम्मेलनमा देशभरका विभिन्न स्थानबाट आएका कलाकारहरुले हिमाली चित्रकला कोरेका थिए ।  चित्रकलाका माध्यमबाट बौद्ध धर्मको प्रवर्द्धनका सथै बुद्धत्वलाई आम जनमानस सम्म पु¥याउने हेतुले हिमाली कला सम्मेलन गरिएको आयोजक गुम्बाका अध्यक्ष तेन्जी शेर्पाले बताउनुभयो ।

 यसैबीच कला सम्मेलनको अवसरमा आयोजना गरिएको चित्रकला प्रतियोगितामा झापाका एन्जल बस्नेत प्रथम भएका छन् ।  उनले बनाएको चित्रकला भोटिङका आधारमा र कलाको आधारमा प्रथम भएको जनाइएको छ ।  यस्तै दोश्रो स्थानमा अनिष बहादुर नेम्बाङ र तेश्रोमा पुजा राई रहेका छन् ।

१७ जनाले प्रतिष्पर्धा गरेको प्रतियोगितामा उनीहरूले प्रथम, दोश्रो र तेश्रो हुने हरुले क्रमशः २५ हजार, २० हजार र १५ हजार नगद पुरस्कार प्राप्त गरेका छन् । कला सम्मेलनको अवसरमा थाङ्का चित्रकलाको प्रदर्शनी समेत गरिएको थियो । थान्का त्रिचकारहरुले निर्माण गरेका चित्रहरू गुम्बामा प्रदर्शनका लागी हस्तान्तरण गरिएको छ ।