खोटाङमा तीन दिने नि : शुल्क आँखा शल्यक्रिया शिविर सम्पन्न

जेठ ४, सोलुखुम्बु । खोटाङको खोटेहाङ गाउँपालिकास्थित खोटाङ बजारमा सञ्चालित तीन दिने निःशुल्क आँखा शल्यक्रिया शिविर सम्पन्न भएको छ । शिविर नेपाल नेत्र ज्योति संघ खोटाङ र खोटेहाङ गाउँपालिकाको संयुक्त आयोजना तथा सगरमाथा चौधरी आँखा अस्पताल लाहानको प्राविधिक सहयोगमा सञ्चालन गरिएको थियो । डाक्टर बिकी गुप्ताको नेतृत्वमा आएको प्राविधिक टोलीले शिविरको सञ्चालन गरेको हो ।

शिविरमा ३३२ जना महिला र २७२ जना पुरुष गरी कुल ६०४ जनाले आँखा जाँच गराएका थिए । जाँच गरिएका मध्ये ८२ जनाको मोतियाविन्दुको शल्यक्रिया तथा १६ जनाको सामान्य शल्यक्रिया गरी कुल ९८ जनाको सफल शल्यक्रिया गरिएको नेपाल नेत्र ज्योति संघ खोटाङका सभापति इन्द्र कसजुले जानकारी दिनुभयो । शल्यक्रिया गरिएका मध्ये ९० जनालाई कालो चस्मा, १९६ जना जेष्ठ नागरिकलाई पढ्न मिल्ने चस्मा तथा ३८५ जनालाई निःशुल्क औषधि वितरण गरिएको आयोजकले जनाएको छ ।