काँगेल र पञ्चनका अढाई सय विद्यार्थीलाई झोला वितरण

जेठ ४, सोलुखुम्बु । सोलुखुम्बुको थुलुङ दुधकोशी गाउँपालिकाका ४ वटा विद्यालयमा ओङछु शेर्पा मेमोरियल ट्रष्टले झोला वितरण गरेको छ ।  सोमबार गाउँपालिकाको वडा नम्बर २ काँगेल र वडा नम्बर ३ पञ्चनका ४ वटा विद्यालयका विद्यार्थीहरुलाई स्कुल ब्याग वितरण गरिएको हो ।

 ट्रष्टले वडा नम्बर २ काँगेलको जीवनज्योति माध्यमिक विद्यालय, काँगेल आवि र बागेश्वरी आवि र वडा नम्बर ३ को शुसिला आधारभूत विद्यालयका विद्यार्थीलाई २ सय ५० थान स्कुल व्याग वितरण गरिएको हो ।  नेपाली काङ्ग्रेसका केन्द्रिय सदस्य, पर्यटन विभाग प्रमसख आङ्गेलु शेर्पाको प्रमुख आतिथ्यतामा सम्पन्न उक्त कार्यक्रममा शेर्पाले शिक्षा, स्वास्थ्य र रोजगारीमा काङ्ग्रेस नयाँ दृष्टिकोण सहित प्रस्तुत हुने बताउनुभयो ।  

कार्यक्रममा जिल्ला समन्य समिति प्रमुख कृष्ण प्रसाद निरौला, नेपाली काङ्ग्रेस क्षेत्रिय सभापति तथा टानका वरिष्ठ उपाध्यक्ष कर्मा शेर्पा ,ओङ्छु शेर्पा ट्रष्टका कार्यकारी निर्देशक सनम शेर्पा, नेपाली काङ्ग्रेसका महासमिति सदस्य नवीन थापा, तरुण दलका जिल्ला अध्यक्ष अशोक झा , नेवि सङ्घ केन्द्रीय सदस्य वावुराम आचार्य, प्रदेश सम्मेलन सदस्य कैलास के सि लगायतले आ आफ्नो विचार राख्नु भएको थियो । झोला पाएपछि विद्यार्थी, अभिभावक तथा विद्यालय प्रशासनले ओङ्छु शेर्पा ट्रष्टलाई धन्यवाद दिएका छन । यसैवीच जीवन ज्योति उच्च मा वि कागेलमा स्थापित वमवेदु अक्षयकोष वाट कक्षा ६ देखि ९ सम्म उत्कृष्ट नतिजा ल्याउन सफल १ छात्रा र १ छात्र लाई क्रमशः ३ हजार ५ सय  छात्रवृत्ति वितरण गरिएको छ ।