शेर्पा बालबालिका सहायता संघद्वारा सोलुका चार विद्यालयमा छात्रावृत्ति वितरण

जेठ ५, सोलुखुम्बु । सोलुखुम्बुमा शेर्पा बालबालिका सहायता संघको पहलमा जिल्लाका चार वटा विद्यालयका विद्यार्थीलाई छात्रावृत्ति वितरण गरिएको छ । संघको विशेष पहल र फ्रान्सस्थित लोरेन नेपालको आर्थिक सहयोगमा सोमबार रामपुर तथा सुन्दर झरना आवि र हिमालय माविका ८० जना विद्यार्थीलाई छात्रावृत्ति प्रदान गरिएको हो ।

संघका संयोजक सन्त बहादुर मगर (र्याबिट) का अनुसार आर्थिक रूपमा कमजोर, असहाय तथा पिछडिएको वर्गका बालबालिकालाई लक्षित गर्दै छात्रावृत्र् िवितरण अभियान संचालन गरिएको हो । यस अभियान बैशाख ३० गतेदेखि सुरु गरिएको थियो, जसअन्तर्गत विभिन्न विद्यालयका विद्यार्थीहरूलाई चरणबद्ध रूपमा छात्रावृत्ति प्रदान गरिँदै आइरहेको छ ।

संघका अध्यक्ष निमा शेर्पाले छात्रवृत्तिबाट विद्यार्थीहरूको शैक्षिक पहुँच विस्तार हुने विश्वास व्यक्त गर्दै आगामी दिनहरूमा कार्यक्रमलाई थप व्यापक बनाउँदै लैजाने प्रतिबद्धता जनाउनुभयो । यस कार्यक्रमले दुर्गम हिमाली क्षेत्रमा शिक्षा पहुँचका लागि उल्लेखनीय योगदान पुर्‍याउने अपेक्षा गरिएको छ ।