थुलुङ दुधकोशी गाउँपालिकाको झण्डा फहराइयो सगरमाथाको शिखरमा

जेठ ५, सोलुखुम्बु । थुलुङ दुधकोशी गाउँपालिकाको झण्डा विश्वको सर्वोच्च शिखर सगरमाथामा फहराइएको छ। गाउँपालिका–९, सफर्मा लोखिम निवासी दा जाङ्बु शेर्पाले २०२५ मे १९ जेठ ५ गते बिहान ८ : ३५ बजे सगरमाथाको सफल आरोहण गर्दै पालिकाको झण्डा शिखरमा फहराउनुभएको हो ।

गाउँपालिका प्रवक्ता भोजराज कार्कीका अनुसार शेर्पाले यसअघि पनि एकपटक सगरमाथा आरोहण गरिसक्नुभएको थियो। यो उहाँको दोस्रो सफल सगरमाथा आरोहण हो। गाउँपालिका अध्यक्ष असिम राईले आरोही दा जाङ्बु शेर्पालाई बधाई तथा धन्यवाद दिँदै स्थानीय सरकारको तर्फबाट सम्मान गरिने जानकारी दिनुभएको छ। अ

ध्यक्ष राईको सचिवालयले सामाजिक सञ्जाल फेसबुकमार्फत सगरमाथा आरोहणको सफलतामा हार्दिक बधाई तथा आगामी दिनका लागि शुभकामना व्यक्त गरेको छ। यस ऐतिहासिक सफलताले थुलुङ दुधकोशी गाउँपालिकाको पहिचान अन्तर्राष्ट्रिय स्तरमा स्थापित गर्न सहयोग पुग्ने जनाइएको छ।