जेठ ११, सोलुखुम्बु । सोलुखुम्बुको सोलुदुधकुण्ड नगरपालिका–११ मा नयाँ स्वास्थ्य चौकी भवन निर्माण हुने भएको छ । स्वास्थ्य सेवा पहुँचलाई अझ प्रभावकारी बनाउने लक्ष्यसहित जेठ १३ गते नयाँ स्वास्थ्य चौकी भवनको शिलान्यास हुने भएको हो ।
सोलुदुधकुण्ड नगरपालिका र ‘पाइला पाइलाको आशा’ संस्थाबीचको सहकार्य तथा आर्थिक साझेदारीमा निर्माण हुन गइरहेको यो भवनले स्थानीय बासिन्दाहरूलाई आधारभूत स्वास्थ्य सेवा सुलभ रूपमा उपलब्ध गराउने अपेक्षा गरिएको छ । जस्मा भवन निर्माणका लागि करिब एक करोड ७१ लाख १४ हजार ३ सय ३२ रुपैयाँ लाग्ने भएको छ । कार्यक्रममा सरोकारवाला निकाय, समुदायका प्रतिनिधिहरू, स्थानीय बासिन्दाको उपस्थितिका वडा अध्यक्ष टंक बहादुर कार्कीले अनुरोध गर्नुभयो ।
सोलुदुधकुण्ड नगरपालिकाका नगरप्रमुख नाम्गेल जाङ्ब शेर्पाले कार्यक्रम सफल पार्न सबैको सक्रिय सहभागिता आवश्यक रहेको बताउनुभयो । यो परियोजनाले गाउँलेहरूको स्वास्थ्य सेवामा पहुँच सहज बनाउनुका साथै दीर्घकालीन रूपमा जनस्वास्थ्यमा सकारात्मक प्रभाव पार्ने अपेक्षा गरिएको छ ।
Discussion about this post