माओबादी नेता शेर्पाले बनाएको अस्थाई सम्रचना सोलुदुधकुण्ड नगरपालिकाले भत्काउने

जेठ २१, सोलुखुम्बु । सोलुखुम्बुको सोलुदुधकुण्ड नगरपालिकाको वडा नम्बर ५ सेर्गाखोपको मुख्य सडक नजिकै बनेको अस्थाई सम्रचना सोलुदुधकुण्ड नगरपालिकाले भत्काउने प्रकृया अगाडी बढाएको छ । माओबादी जिल्ला संयोजक नाम्गेल शेर्पाले बनाएको अस्थाई सम्रचना मापदण्ड नपुर्याई र नगरपालिकाबाट स्विकृत समेत नलिई बनाएको भन्दै भत्काउने प्रकृया अगाडी बढाएको नगर प्रमुख नाम्गेल जाङ्बु शेर्पाले बताउनु भयो ।

नेता शेर्पाले बालबालिकाको खेलकुद सम्बन्धि ब्यवशायीक गतिविधि संचालनका लागि बनाएको सम्रचना बाटोको मापदण्ड र नगरपालिकाको प्रकृया भन्दा बाहिर रहेकोले नगर प्रहरी मार्फत सो सम्रचना भत्काउने नगर प्रमुख शेर्पाले बताउनु भयो ।मुल सडकबाट कम्तिमा १५ मिटर छोड्नु पर्ने र जुनसुकै सम्रचना बनाउँदा पनि नगरपालिकाबाट स्विकृति लिएर बनाउनु पर्ने नियम भए पनि उक्त निर्माण पक्षले कुनै प्रकृया नपु¥याएको भन्दै डोजर लगाएर भत्काउने नगरपालिकाले जनाएको छ । नेता अथवा जनप्रतिनिधि जो सकुैले पनि नियम विपरित सम्रचना बनाए नगरपालिका कठोर रुपमा उत्रने मेयर शेर्पाको भनाईछ ।