ककनिश्वर मा.वि.मा अतिरिक्त क्रियाकलापका लागि विद्यार्थी सदन निर्माण

जेठ २३, सोलुखुम्बु । उदयपुरको ताप्ली गाउँपालिका वडा नम्बर ४ मा अवस्थित ककनिश्वर माध्यमिक विद्यालय, ठानागाउँले शैक्षिक सत्र २०८२ का लागि अतिरिक्त क्रियाकलापलाई प्रभावकारी रूपमा सञ्चालन गर्न विद्यार्थी सदन गठन गरेको छ । विद्यालयमा कक्षा ३ देखि १२ सम्म अध्ययनरत विद्यार्थीहरूलाई समेटी ६ वटा सदन निर्माण गरिएको हो । विद्यालयका शिक्षक मनोज कुमार राउतका अनुसार हरेक साता सञ्चालन हुने अतिरिक्त कृयाकलापहरू सहज बनाउन र विद्यार्थीहरूलाई समुहगत रूपमा संलग्न गराउन यो सदन प्रणाली ल्याइएको हो । विद्यालयका सह–प्रधानाध्यापक भेषराज ठकुरीले प्रत्येक सदनमा एकजना विद्यार्थीलाई सदन प्रमुखको जिम्मेवारी पनि दिइएको सहकर्मी ठविन्द्र मगरले जानकारी दिनुभयो । प्रधानाध्यापक श्रीकान्त पण्डितका अनुसार नयाँ शैक्षिक सत्रसँगै विद्यालयले शैक्षिक नियमअनुसार अतिरिक्त क्रियाकलापसम्बन्धी कार्ययोजना पनि पारित गरेको छ, जसले विद्यार्थीहरूको चौतर्फी विकासमा सहयोग पु¥याउने विश्वास लिएको छ ।
निर्मित ६ सदन र तिनका प्रमुखहरू यसप्रकार छन् ।
.सूर्यमुखी सदन — लेखराज मगर
.कमल सदन — रणदीप राई
.लालीगुराँस सदन — दबिता राई
.सयपत्री सदन — डिकेन्द्र भुजेल
.मखमली सदन — लक्ष्मी मगर
.गोदावरी सदन — संगम परियार
विद्यालय प्रशासनले सबै विद्यार्थीलाई हरेक अतिरिक्त कृयाकलापमा सक्रिय सहभागिता जनाउन प्रेरित गर्दै उज्ज्वल भविष्यको शुभकामना व्यक्त गरेको छ । यस किसिमका प्रतिस्पर्धात्मक साप्ताहिक गतिविधिहरूले विद्यार्थीको शैक्षिक तथा सर्वाङ्गिण व्यक्तित्व विकासमा महत्वपूर्ण योगदान पु¥याउने विद्यालयको विश्वास छ ।