जेठ २३, सोलुखुम्बु । नवलपरासीको सुनवल नगरपालिका–२ अवरहियामा एक युवकले आफ्नै बुवा र छिमेकीको हत्या गरेका छन्। २७ वर्षीय खेमराज थारूले कोदालो प्रहार गरी आफ्ना बुवा ५० वर्षीय जयराम थारूको हत्या गरेका हुन्।
प्रहरीका अनुसार घटना भएको जानकारी पाएपछि छिमेकी ७० वर्षीय नाधु धरिकार सोधपुछका लागि जाँदा खेमराजले उनलाई पनि कोदालो प्रहार गरी हत्या गरेका हुन्। जिल्ला प्रहरी कार्यालय पश्चिम नवलपरासीका सूचना अधिकारी डीएसपी विरदत्त पन्तले दुई जनाको हत्या गरेको अभियोगमा खेमराज थारूलाई घटनास्थलबाटै कोदालोसहित पक्राउ गरिएको जानकारी दिनुभयो।
हाल घटनाको विषयमा थप अनुसन्धान भइरहेको प्रहरीले जनाएको छ। हत्याको कारण भने खुल्न बाँकी रहेको र मनोवैज्ञानिक पक्षलाई समेत ध्यानमा राखी अनुसन्धान भइरहेको प्रहरी स्रोतले जनाएको छ।
Discussion about this post