सोलुदुधकुण्डमा नेपाल शिक्षक महासङ्घको नयाँ नेतृत्व चयन

जेठ २४, सोलुखुम्बु । नेपाल शिक्षक महासङ्घ सोलुदुधकुण्ड नगर समितिको हालै सम्पन्न स्थानीय महासघं कार्यसमिति घोषणा कार्यक्रमबाट नयाँ नेतृत्व चयन गरिएको छ । स्थानीय महासघं कार्यसमिति घोषणा कार्यक्रम मार्फत अध्यक्ष पदमा राम बहादुर मगर चयन हुनुभएको हो ।

उपाध्यक्षमा जनक बस्नेत, सचिवमा रामेश्वर राना मगर, कोषाध्यक्षमा सरस्वती बम र सदस्यहरूमा मनोज राई, राधिका श्रेष्ठ, तेज बहादुर थापा र लक्ष्मी केसी चयन हुनुभएको छ । नव निर्वाचित अध्यक्ष राम बहादुर मगरले शिक्षकहरूको हक–अधिकारको संरक्षण तथा गुणस्तरीय शिक्षाका पक्षमा समर्पित भएर काम गर्ने प्रतिबद्धता व्यक्त गर्नुभयो ।

उहाँले सबै शिक्षकहरूबीच ऐक्यबद्धता र पारदर्शितालाई प्राथमिकतामा राखी संगठनलाई थप सबल बनाउने बताउनुभयो । उक्त कार्यक्रममा नगरभित्रका शिक्षकहरूको उल्लेखनीय सहभागिता रहेको थियो ।