नेचासल्यानमा मेलमिलापकर्ताका लागि तीन दिने पूर्णताजगी तालिम जारी

जेठ २६, साेलुखुम्बु ।  सोलुखुम्बुको नेचासल्यान गाउँपालिकामा मेलमिलापकर्ताहरूका लागि तीन दिने पूर्णताजगी तालिम जारी रहेको छ। गाउँपालिकाको आयोजनामा र ग्लोबल एडभोकेसी नेपालको सहजीकरणमा आइतवारदेखि सुरु भएको तालिम हाल सञ्चालनमा छ।

तालिममा गाउँपालिका भित्रका सूचीबद्ध तथा सूचीकरणको प्रक्रियामा रहेका ३६ जना मेलमिलापकर्ताहरूको सहभागिता रहेको सहकर्मी सोभित ढुङ्गेलले जानकारी दिनुभयो।

तालिमको उद्देश्य मेलमिलाप प्रक्रियामा संलग्न कार्यकर्ताहरूको क्षमता अभिवृद्धि गर्नुका साथै व्यवहारिक सीपहरू प्रदान गर्नु रहेको गाउँपालिका अध्यक्ष धनजन राईले बताउनु भयाे । तालिममा गीता गुरुङ, गोबिन्द पुन र अशोक राईको अनुभवी टिमले सहजीकरण गरिरहेका छन्।

मेलमिलापकर्ताहरूको भूमिकालाई सशक्त बनाउन यस्ता तालिमहरू प्रभावकारी हुने विश्वास गाउँपालिका उपाध्यक्ष विना राईले व्यक्त गर्नुभयो।