जिल्ला प्रशासन कार्यालय सोलुखुम्बुले गर्याे दश महिना मै १ करोड ६ लाख बढी राजस्व सङ्कलन

जेठ २६, साेलुखुम्बु ।   जिल्ला प्रशासन कार्यालय सोलुखुम्बुले १ करोड ६ लाख बढी राजस्व सङ्कलन गरेको छ । कार्यालयले यस चालु आर्थिक वर्ष २०८१/८२ को साउनदेखि  जेठ २५ गतेसम्मको करिब ११ महिनाको अवधीमा १ करोड ६ लाख २९ हजार ५८५ रुपैयाँ राजस्व संकलन गरेको हो ।

कार्यालयले न्यायिकदस्तूर वापत ३ हजार ५ सय, परीक्षाशुल्क १६ हजार ९ सय, राहदानी शुल्क ९५ लाख ८५ हजार एक सय र अन्य प्रशासनिक सेवा शुल्क वापत ९ लाख १५ हजार ६८५ रुपैयाँ राजस्व संकलन भएको लेखापाल महेश भण्डारीले बताउनुभयो ।

यस्तै हातहतियारको इजाजतपत्र दस्तूर वापत ३६ हजार ९ सय, न्यायिकदण्ड, जरिवाना र जफतबाट ३० हजार तथा प्रशासनिकदण्ड, जरिवाना र जफतबाट ४१ हजार ५ सय रुपैयाँ राजस्व संकलन भएको जिल्ला प्रशासन कार्यालय सोलुखुम्बुले जनाएको छ ।