त्रियुगा नगरपालिका ९ को सार्वजनिक सुनुवाई सम्पन, समानुपातिक विकास भएकाे वडा अध्यक्षकाे दाबी

जेठ २६,साेलुखुम्बु । उदयपुरकाे  त्रियुगा नगरपालिका वडा नम्बर ९ को आर्थिक बर्ष २०८१/०८२ को सार्वजनिक सुनुवाई कार्यक्रम सम्पन्न भएको छ । त्रियुगा नगरपालिका वडा नम्बर ९ स्थित दनुवार महिला भवनमा सार्वजनिक सुनुवाई कार्यक्रम सम्पन्न भएको हो ।कार्यक्रममा वडा सचिव सुशिला कुमारी राउतले वडाको पंजीकरण र राजश्व संकलनको अवस्थाको विषयमा प्रतिवेदन प्रस्तुत गर्नु भएको थियो ।
कार्यक्रममा वडा अध्यक्ष राजकुमार दनुवाले वडाले आर्थिक वर्ष २०८१/०८२ मा विनियोजन गरेको बजेट तथा कार्यक्रमको विषयमा प्रस्तुत गर्नु भयाे ।
सहभागीहरुले वडाको कार्य सम्पादन तथा वडाका विभिन्न समस्याहरुको विषयमा प्रश्न, जिज्ञासा र सुझावहरु राखेका थिए । कार्यक्रममा वडाअध्यक्ष राजकुमार दनुवारले स्थानिय नागरिकहरुले राखेका समस्या तथा वडाले संचालन गरेका कार्यक्रमको विषयमा संवोधन गर्नु भएको थियो ।

वडाअध्यक्ष दनुवारले वडाको सबै क्षेत्रमा समानुपाति हिसाबले विकासका कामहरु संचालन गरी रहेको र आगामी दिनमा पनि त्यसलाई निरन्तरता दिईने बताउनु भयो । उहाँले वडाको विकास र वडा बाट सम्पादन हुने कामलाई नागरिकमैत्री बनाउनेमा आफुहरु प्रतिबद्ध रहेको समेत बताउनु भयो ।

कार्यक्रममा वडा सदस्यहरु भुपेन्द्र बुढाथोकी,  मिरा विश्वकर्मा, रेणुका श्रेष्ठ सहित विभिन्न टोल विकास संस्थाका अध्यक्ष, विद्यालय व्यवस्थापन समितिका प्रतिनिधि तथा प्रअ, कृषक, स्थानिय महिला, युवा लगायत सरोकारवालाहरुको उपस्तिथी रहेको थियो ।