लिखुपिके गाउँपालिका शिक्षा शाखा संयोजक तथा हिमगंगा मा.विका शिक्षक बस्नेतलाई गरियाे बिदाइ

जेठ २९, सोलुखुम्बु । सोलुखुम्बुको लिखुपिके गाउँपालिकाका निवर्तमान शिक्षा शाखा संयोजक तथा हिमगंगा माध्यमिक विद्यालयका पूर्व शिक्षक, पूर्व प्रधानाध्यापक रेखराज बस्नेतलाई सम्मानका साथ बिदाई गरिएको छ । बुुधबार विद्यालयमा एक औपचारिक कार्यक्रम सहित विदाई, सम्मान तथा फेरि भेटौंला कार्यक्रम सम्पन्न गरिएको विद्यालयले जनाएको छ ।

साथै गाउँपालिकाका कर्मचारी, विद्यालयका शिक्षक, विद्यार्थी सबैले बस्नेतलाई सेवा निवृत्र् जीवन सुखद रहोस भनी सुस्वास्थ्य र दीर्घायुको कामना सहित हार्दिक शुभकामना व्यक्त गरेका छन्  ।  बस्नेतले पनि आफ्नो जीवनको लामो समय ४० वर्षे शिक्षणा पेशा  गाउँकै माटोमा रहि विद्यालयमा आफूले सकेको जति सबै कार्य गरेको र सदा विद्यालय र विद्यार्थीको प्रगतिको शुभकामना व्यक्त गर्नुभयो ।

यस्तै, कार्यक्रममा लिखुपिके गाउँपालिकाका अध्यक्ष मिना कार्की बस्नेत,उपाध्यक्ष ङ्वाङ लाक्पा शेर्पा, प्रमुख प्रशासकीय अधिकृत अग्नि प्रसाद पराजुली, वडाध्यक्ष लगायत अभिभावकहरुको बाक्लो उपस्थिति रहेको थियो ।