महाकुलुङमा माओवादी केन्द्रको सम्मेलन सम्पन्न, अम्बिर कुलुङको अध्यक्षतामा ३५ सदस्यीय समिति चयन

जेठ २९, सोलुखुम्बु । नेपाल कम्युनिष्ट पार्टी (माओवादी केन्द्र) महाकुलुङ गाउँपालिका सोलुखुम्बुको अध्यक्षमा अम्बिर कुलुङ निर्वाचित हुनुभएको छ । बुधबार सम्पन्न गाउँपार्टी समितिको दोस्रो गाउँसम्मेलनले अम्बिर कुलुङ सहित ३५ सदस्यीय पालिका समिति निर्वाचित गरेको हो ।

माओवादी केन्द्र सोलुखुम्बुका प्रचार प्रशार विभाग प्रमुख भोजराज कार्कीका अनुसार नवनिर्वाचित समितिको उपाध्यक्षमा निरकुमार कुलुङ, सरला कुलुङ र खम्बधन कुलुङ, सचिमा ओसन कुलुङ, सहसचिवमा कमला वि.क. र बुद्धि कुलुङ रहनुभएको छ । यस्तै समितिको कोषाध्यक्षमा दुर्गाधन कुलुङ निर्वाचित हुनुभएको छ ।

माओवादी केन्द्र महाकुलुङ गाउँपार्टी समितिका अध्यक्ष वीरेन्द्र कुलुङको अध्यक्षता तथा पार्टीका केन्द्रीय सदस्य तथा जिल्ला इन्चार्ज हेम कुमार राई ( शुरवीर) को प्रमुख आतिथ्यतामा कार्यक्रम सम्पन्न भएको हो ।

कार्यक्रममा पार्टीका प्रदेश सहसचिव सागर किराँती, प्रदेश सचिवालय सदस्य तथा जिल्ला सहइन्चार्ज असिम राई लगायत अन्य प्रतिनिधिहरूकाे उपस्थिति रहेकाे थियाे ।

माओवादी पार्टीको सम्मेलन खुम्बुपासाङ  ल्हामु गाउँपालिका, नेचा सल्यान गाउँपालिका सोताङ र महाकुलुङमा सम्पन्न भइसकेको छ । आज बिहिबार सोलुदुधकुण्ड नगरपालिका र शनिबार थुलुङ दुधकोशी गाउँपालिकामा सम्मेलन हुने बताइएकाे छ ।