सशस्त्र प्रहरी बल र सोलु सामुदायिक अस्पताल बिचको सहकार्यः स्वास्थ्य सेवामा पहुँच विस्तार

जेठ ३०, सोलुखुम्बु । सुरक्षा निकाय र स्थानीय संस्थाबीचको सहकार्यलाई सुदृढ बनाउँन सशस्त्र प्रहरी बल, नेपाल आश्रित गुल्म सोलुखुम्बु र सोलु सामुदायिक अस्पताल बीच द्विपक्षीय सम्झौता भएको छ ।

उक्त सम्झौतामा सोलुखुम्बुका सशस्त्र प्रहरी बल नेपाल आश्रित गुल्मका गुल्मपति (डिएसपी) गोविन्द प्रसाद पोखरेल र सोलु सामुदायिक अस्पतालका प्रमुख कार्यकारी निर्देशक डाक्टर राजेन्द्र बस्नेतबिच हस्ताक्षर गरिएको छ । 

 यस सहकार्यको माध्यमबाट सशस्त्र प्रहरीका बहालवाला तथा पूर्वकर्मी र तिनका आश्रित सदस्यहरूलाई सुलभ दरमा स्वास्थ्य सेवा उपलब्ध गराउने उद्देश्यले साे सम्झैता गरिएकाे डिएसपी पोखरेले बताउनु भयाे ।

सम्झौताले राज्यका सुरक्षा अंगप्रति सम्मान दर्शाउँदै तिनका परिवारजनको स्वास्थ्य सुरक्षामा पनि प्रत्यक्ष योगदान पु¥याउने विश्वास गरिएको छ । उक्त सम्झौताको रोहबरमा सोलुखुम्बुका प्रमुख जिल्ला अधिकारी अनोज कुमार घिमिरे र कोशी प्रदेश बाहिनिपति डिआइजी कुमार न्यौपानेले हस्ताक्षर गर्नु भएको छ ।स्वास्थ्य सेवामा छुटसम्बन्धी विवरण अनुसार, अस्पताल टिकट र आपतकालीन सेवामा ५० प्रतिशत, ल्याब, एक्सरे तथा यूएसजीमा २० प्रतिशत, औषधि र शल्यक्रियामा क्रमशः १५ र १५ प्रतिशत छुट प्रदान गरिनेछ। यस्तो सहुलियतले प्रहरी परिवारको उपचार पहुँचमा सहजता ल्याउने अपेक्षा गरिएको छ ।

सम्झौता दुई वर्षको लागि लागु हुने गरी गरिएको छ, जसलाई आवश्यक परेमा पुनः नविकरण गर्न सकिनेछ। सुविधा लिन प्रहरी परिचयपत्र अनिवार्य देखाउनुपर्नेछ । स्थानीय विकास, सुरक्षा र स्वास्थ्य समन्वयको यो कदमले भविष्यमा अन्य सरकारी निकाय र संस्थाबीचको सहकार्यका लागि पनि मार्ग प्रशस्त गर्ने देखिन्छ ।