सोलुखुम्बुमा वेवारिसे अवस्थामा फेला परेकी महिला अस्पतालमा, आफन्तको खोजी जारी

असार १, सोलुखुम्बु । सोलुखुम्बुको सोलु दुधकुण्ड नगरपालिका–५, आवाडाडामा एक महिला वेवारिसे अवस्थामा फेला परेकी छन् । जेठ ३१ गते राति १० बजे फेला परेकी ती महिला हाल सोलुखुम्बु जिल्ला अस्पताल, फाप्लुमा राखिएको जिल्ला प्रहरी कार्यालय सोलुखुम्बुले जनाएको छ ।

जिल्ला प्रहरी कार्यालय सोलुखुम्बुका अनुसार ती महिलाले आफूलाई प्रीती क्षेत्री भनेर परिचय दिएकी छिन् । उनका श्रीमानको नाम भरत क्षेत्री, छोराको नाम विवेक क्षेत्री र भेनाको नाम निवेश थारु रहेको जानकारी दिइएको छ ।

यद्यपि उनी आफ्नो स्थायी ठेगाना बताउन असमर्थ छिन् । हालसम्म ती महिलाका कुनै पनि आफन्तजन सम्पर्कमा नआएकाले प्रहरीले उनी चिनेका वा आफन्त भएका व्यक्तिहरूलाई जिल्ला प्रहरी कार्यालय सोलुखुम्बुमा सम्पर्क गर्न अनुरोध गरेको छ ।