असार ३, सोलुखुम्बु । ओखलढुंगाको चिशंखुगढी गाउँपालिकामा सञ्चालन गरिएको राष्ट्रिय परिचय पत्र दर्ता अभियानबाट ११ सय ३३ जना नागरिकले सेवा लिएका छन् । गाउँपालिकाले जेठ ५ गतेदेखि असार २ गतेसम्म आठै वडामा सञ्चालन गरेको शिविरमार्फत नागरिकहरू लाभान्वित भएका हुन् ।
गाउँपालिकाका निमित्त प्रमुख प्रशासकीय अधिकृत थिर प्रसाद भट्टराईका अनुसार, अभियानको उद्देश्य प्रत्येक नागरिकलाई राष्ट्रिय परिचय पत्रमा समेट्ने रहेको थियो । “गाउँपालिकाका दुर्गम भेगमा समेत पुगेर सेवा प्रवाह गर्न सकिएकोमा हामी सन्तुष्ट छौं,” भट्टराईले भन्नुभयो ।
स्थानीय स्तरमा परिचय पत्रको पहुँच सहज बनाउन गरिएको यस किसिमको अभियानले नागरिकलाई राज्यका सेवा–सुविधामा पहुँच बढाउने अपेक्षा गरिएको छ । गाउँपालिकाले आगामी दिनमा बाँकी रहेका नागरिकका लागि पुनः अभियान सञ्चालन गर्ने तयारीसमेत गरिरहेको जनाएको छ ।
Discussion about this post