पिके डाँडाको पर्यटन पूर्वाधार विकासका लागि तीन करोड बजेट विनियोजन

असार ५, सोलुखुम्बु । सोलुखुम्बु जिल्लाको प्रमुख पर्यटकीय गन्तव्य मानिने पिके डाँडाको पर्यटन पूर्वाधार विकासका लागि संस्कृति, पर्यटन तथा नागरिक उड्डयन मन्त्रालयले तीन करोड रुपैयाँ बजेट विनियोजन गरेको छ । समुन्द्र सतहबाट करिब ४०६७ मिटर उचाइमा रहेको पिके डाँडा प्राकृतिक सुन्दरतासँगै सांस्कृतिक, धार्मिक तथा साहसिक पर्यटनको सम्भावना बोकेको क्षेत्र हो ।

लिखुपिके गाउँपालिकाले पिके पार्क, टेलिस्कोपसहितको भ्यू पोइन्ट हाउस तथा पिके बेसक्याम्पसम्म साइक्लिङ लेन निर्माणका लागि मन्त्रालयलाई प्रस्ताव पठाएको थियो । सोही अनुरुप मन्त्रालयले माग बमोजिमको बजेट विनियोजन गरेपछि गाउँपालिकाले कृतज्ञता व्यक्त गरेको छ । गाउँपालिकाकी अध्यक्ष मिना कार्की बस्नेतले पर्यटन पूर्वाधार विकासमा विशेष चासो र प्रतिबद्धता देखाउँदै बजेट स्वीकृत गरिदिएकोमा संस्कृति, पर्यटन तथा नागरिक उड्डयन मन्त्री बद्री प्रसाद पाण्डेलाई धन्यवाद ज्ञापन गर्नुभएको छ ।

साथै, सो बजेट सुनिश्चित गर्न विशेष पहल र समर्थन पु¥याउनु भएका पूर्वमन्त्री बलबहादुर के.सी.प्रति समेत गाउँपालिकाले आभार प्रकट गरेको छ । अध्यक्ष बस्नेतका अनुसार पिके डाँडाको विकासले जिल्लामात्र होइन, समग्र देशको पर्यटन प्रवद्र्धनमा टेवा पु¥याउने विश्वास गरिएको छ । यस परियोजनाले स्थानीय रोजगारी सृजनासँगै गाउँपालिकाको समग्र आर्थिक विकासमा समेत योगदान पुग्ने अपेक्षा गरिएको छ ।